Sapa watanmi mayta suyakunchis kinsa p’unchay asambleanchis chayamunanta, chaypin askha espiritual mijunata chaskinchis. Noqanchisqa munanchismi juj runakunapas Diospa yachachikuyninta chaskinankuta, chaymi tukuy atisqanchista ruwasun llapa runaman invitamunapaq (Sal. 34:8). Sapanka iñiq t’aqapin umallikuna qhawarinqaku imaynatan invitacionkunata allinta rakikunman chayta.

• ¿Jayk’aqmi asambleay kanqa?

• ¿Jayk’aqmi iñiq t’aqaypi invitacionkunata rakiyta qallarikunqa?

• ¿Maykunapin juñunakuykuna kanqa predicaq lloqsinapaq?

• ¿Imakunatan ruwayta munani invitacionta rakikusqan killapi?

• ¿Pikunatan invitayta munani?

Napaykusqayki qhepamanmi niwaq:

“Pachantinpin kay invitacionta runakunaman saqemushayku juj sumaq juñunakuyman jamunankupaq. Kaypin willashan jayk’aq, maypi, ima hora qallarinanta. Invitasqan kashanki”, nispa.

Llapa runakunamanña invitayta munanchis chaypas, Bibliamanta astawan uyarikuyta munaqtinkuqa astawanmi rimapayananchis.

Semana tukuytaqa revistatan invitaciontawan munachisunman.