¿Pikunatan sumaqta chaskina? Juñunakuyninchisman lliu jamuqkunatan, jinaña chayllaraq jamushanku otaq unayña chaypas (Rom. 15:7; Heb. 13:2). Yaqapaschá juj hermano maymantapas visitamuwashanchis otaq iñiyninpi chiriyapuq iñiqmasi unaymanta jamushan. ¿Imaynan sientekuwaq pay jina tarikuspa? ¿Manachu munawaq sumaqta chaskinasuykikuta? (Mat. 7:12.) Chaymi kallpachakunanchis chaypi kaqkunata llapallankuta napaykunapaq, juñunakuy ñaupaqta qhepatapas. Chayta ruwaymi yanapawanchis lliuwanpas sumaqta kausanapaq (Mat. 5:16). Mayninpiqa manapaschá llapankuwan rimayta atisunchu. Ichaqa sapankanchis chayta ruwasun chayqa, lliupas allin chaskisqan sientekunqaku. *

Sumaqta chaskinakuytaqa manan maynillanpichu rikuchina, nitaq Jesuspa wañupusqanta yuyarina juñunakuyllapichu, aswanpas tukuy tiempon. Chayllaraq jamuqkunaqa sumaq chaskisqa sientekuspan Diosta alabankuman, jinallataq cheqaq adoracionman juñukamunkuman (Juan 13:35).