¿Imaraykun Jesús nishuta llakikuran judío religioso umallikunaq ruwasqanmanta? Paykunaqa sábado p’unchaymanta leymanmi imaymana sasa junt’ana kamachikuykunata yaparanku. Ejemplopaq, sábado p’unchaypiqa manan pikita wañuchinankuchu karan. Nitaq tulluta p’akikuspa otaq chakinkuta q’ewikuspa jampikunankuchu karan, juj onqosqataqa wañuy patapi kashallaqtinmi atiendena karan. Chhaynaqa chay religioso umallikunamanqa manan imapas qokuranchu ch’akisqa makintin kashaq runaqa.
