CRISTIANO KAUSAYNINCHIS
Preparakusun Jesuspa wañusqanta yuyarinapaq
Kay watamantapachan aswan tiempoyoq kasunchis Jesuspa wañupusqanpi piensananchispaq. Chaupi semanapi Jesuspa wañupusqanta yuyarisun chayqa, chaupi semanapi juñunakuymi manaña kanqañachu, semana tukuyta kaqtintaq chay juñunakuy manaña kanqañachu. ¿Imaynatan chay semanapi tiemponchista aprovechasunman? Jesuspa tiempopipas ñaupaqmantañan alistakuranku, chhaynatan alistakunanchis (Luc. 22:7-13; km 3/15 1). Allintan sonqonchista preparananchis. ¿Imaynatan chayta ruwasunman?
-
Jesuspa wañupusqanpin piensananchis (1 Cor. 11:23-26).
-
Jehová Diosmantan mañakunanchis, imayna paywan kashasqanchispin piensananchis (1 Cor. 11:27-29; 2 Cor. 13:5).
-
Jesuspa wañupusqanmanta rimaq textokunatan leenanchis, leesqanchispitaq piensananchis (Juan 3:16; 15:13).
Jesuspa wañupusqanta yuyarinapaqmi Diospa Siminta sapa p’unchay t’aqwisun nisqa folletopi Bibliata leenapaq jamun, chaytan wakin hermanokunaqa leenku jinaspa chaypi piensanku. Wakinqa uraypi kaq recuadropi textokunatan leenku. Wakintaq chaymanta rimaq temakunata Qhawaq revistapi repasanku, Jehová Dios Jesuspas munakuq kasqanta astawanraq yachanapaq. Chaykunaqa astawanmi Jehová Diosman churin Jesusmanwan qayllaykachiwanchis.