Jacobqa yacharanmi Jehová Diosllata adorananchis kasqanta, manaña chay kamachikuy karanraqchu chaypas (Éx. 20:3-5). Chaymi Betelman kutinanpaq Jehová Dios niqtin, Jacobqa familianta runankunatawan niran jap’isqanku waj dioskunata wijch’upunankupaq. Chay idolokunatan Jacobqa p’amparan suertepaq jap’isqanku aretekunatawan (Gén. 35:1-4). Jehová Diosqa kusikuranchá ruwasqanwanqa.

¿Imaynatan kunanpas Jehová Diosllata adorasunman? Ñaupaqtaqa, manapunin layqa ruwaykunapi nitaq idolokunata adoraypi participananchischu. Manan jap’inanchischu layqa ruwaykunamanta cosaskunata, manataqmi uyarinanchischu chaykunamanta takikunata nitaq videokunatapas qhawananchischu. Sapankanchismi tapukunanchis: “¿Qhawashaniraqchu vampirokunamanta, juj layqa ruwaykunamantapas peliculakunata? Wakin peliculakunapiqa mana reparayllan brujeriamanta videokuna kan chaykunata qhawaspa, ¿kusirikushaniraqchu?”, nispa. Karunchakunanchismi Jehová Diospa cheqnikusqan ruwaykunamantaqa (Sal. 97:10).

QHAWAY “SAQRAQ CONTRANPITAQ QAQATA SAYAYCHIS” NISQA VIDEOTA, CHAYMANTATAQ KAY TAPUYKUNATA KUTICHIY:

• ¿Ima sasachakuypin tarikuran Bibliata estudiaq Palesa?

• ¿Imanaqtinmi umalliqkunaq yanapayninta maskhananchis layqa ruwaykunapi chhaqrukuspa?

• ¿Imakunatan wijch’upunanchis Jehová Diospa pakaykusqan kayta munaspa?

• ¿Imatan Palesa ruwaran?

• ¿Imatan ruwanayki tiyasqayki llaqtapi supaykunaq ruwasqankunapi ama chhaqrukunaykipaq?