Sichus tukuy tiempoykiwan Diosta servishanki, manataq onqoshankichu, Diosmanta willanapaq necesitakusqan llaqtapitaq yanapakuyta munashanki chayqa, Diospa gobiernonmanta willaqkunapaq escuelaman rinaykipaqmi solicitudta apachiwaq. Chay escuelamanqa 23 watamanta 65 watayoqkaman rinkuman. Chay escuelamanqa waranqanpi casarasqa iñiqmasikuna, soltero soltera iñiqmasikunan solicitudta apachiranku. Soltero qharikunatan ichaqa astawan necesitakushan. Chhaynaqa Diosmanta mañakuy payta astawan servinaykipaq, chhaynapin Churinta qatikunki (Sal. 40:8; Mat. 20:28; Heb. 10:7). Chaymantapas qhawarinaykin imaynatas llank’anaykita familiayki cuidaytapas pisiyachiwaq chayta.

Chay escuelaman riq iñiqmasikunaqa waj simita rimakusqan iñiq t’aqakunapin yanapakuranku, jujkunataq askha runaq kasqanpi Diosmanta willaypi yanapakuranku. Wakinqa watukuq umalliqkuna jinan mayninpi llank’anku, jujkunataq watukuq umalliq kashanku, jujkunataq misionero kashanku. Jehová Diosta astawan servinaykipaq piensashanki chayqa, profeta Isaías jinan kanayki, paymi niran: “Noqan kaypi kashani, noqata kachaway”, nispa (Is. 6:8).

WAJ LLAQTAKUNAPI DIOSMANTA WILLAQKUNA: COSECHATA OQARIYPI LLANK’AQKUNA NISQA VIDEOTA QHAWASPA KAY TAPUYKUNATA KUTICHIY:

• ¿Imaynatan ajllakun waj llaqtakunapi Diosmanta willaq misionerokunata?

• ¿Ima llank’aypin chay misionerokuna allinta yanapakushanku?

• ¿Ima bendicionkunatan chaskiranku?