Kay tiempopi runakunaqa allin kaqtan “manan allinchu” ninku, mana allin kaqtataq “allinmi” ninku (Isa. 5:20). Chaymi askha runakuna Jehová Diospa millakusqanta ruwanku, jujnin kaq millay juchaqa mana p’enqarikuspa qharipura warmipura tiyasqankun. Escuelapi compañeronkunapas juj runakunapas wawakunataqa tanqankumanmi paykuna jina millaykunata ruwanankupaq. ¿Imaynatan wawaykita yanapawaq chay millay ruwaykunata ama ruwananpaq?

Diospa kamachikuyninkunatan yachachinayki (Lev. 18:3). Entiendesqanman jinan willanayki pikunallas warmi-qhari jina puñunankuta (Deut. 6:7). Chaymi tapukunayki: ¿Yachachiranichu wawaykunaman ima ruwaykuna qhelli jucha kasqanta? ¿Yachachiranichu allin yuyaywan p’achakuyta? ¿Yachachiranichu pipas cuerponta llamiykuyta munaqtin otaq q’alalla warmikunata qhawachiyta munaqtin imachus ruwanankuta? Sichus wawaykikuna yachanqaku imachus ruwanankuta chayqa, cuidakunqakun mana allin ruwaykunamanta (Prov. 27:12; Ecl. 7:12). Wawaykita yachachispan Diosta gracias nishanki chay sumaq regalo qosqasuykimanta (Sal. 127:3).

MANA URMAQ WASITA SAYARICHISUN: WAWANCHISKUNATA ALLINTA CUIDASUN ‘MANA ALLIN KAQKUNAMANTA’ NISQA VIDEOTA QHAWASPA KAY TAPUYKUNAMAN KUTICHIY:

• ¿Imanaqtinmi wakin tayta-mamapaq sasa warmi-qhari puñuymanta wawankunawan parlay?

• ¿Imanaqtinmi tayta-mamakuna wawankuta uywananku “Jehová Diospa nisqanman jina wanachispa”? (Efes. 6:4.)

• ¿Ima yanapaykunatan Diospa llaqtan qon tayta-mamakunaman wawankuta yachachinankupaq? (w19.05 12.)

• ¿Imanaqtinmi wawaykikunawan sapa kuti parlarinayki manaraq imapas pasashaqtin?