DIOSPAQ JINA KAUSASUN
¿Yachankichu imachus ruwanaykita “yawartan necesitanki” nispa nisuqtiykiku?
¿Imanaqtinmi listo kashananchis? Qonqayllan imapipas tarikuspa hospitalman jaykusunman. Allin atiendesqa kananchispaqqa kunanmantapachan alistananchis imakunachus necesitasqanchista. Chayta ruwaspan vidanchista, yawarmanta Diospa kamachisqantapas respetashanchis (Hech. 15:28, 29).
¿Imaynatan preparakuwaq?
-
DPA a nisqa documentota junt’ay. Chayta junt’anaykipaqqa ñaupaqtan Diosmanta mañakunayki, allintataqmi entiendenayki chaypi nisqanta. Bautizasqa iñiqmasikunaqa chay documentotan qelqakuna rakiymanta encargakuq iñiqmasimanta mañakunkuman, tayta-mamakunataq Tarjeta de identidad (ic) nisqata wawankupaq mañakunkuman.
-
Onqoq kashaq hermananchiskunaqa umalliqkunamantan mañakunkuman Información para mujeres embarazadas (S-401) nisqa qelqata. Chayqa paykunatan yanapanqa onqoq kashaspa, otaq wawankuta onqokushaqtinku allinta decidinankupaq.
-
Yaqapaschá operanasuykikupaq doctorqa “yawartan necesitanki” nispa nisunkiman, otaq hospitalman jaykunaykita yachakunki chayqa, ñaupaqmantan umalliqkunaman chayta willanayki. Chaymantapas hospitalpi encargadokunatan niwaq: “Jehová Diospa testigonkunamanta jujnin representante visitamuwanantan munani”, nispa.
¿Imaynatan umalliqkuna yanapakunkuman? Iñiqmasikunatan yanapankuman DPA nisqa documentota junt’ayta. Ichaqa manan mayqen hermanotapas ninankuchu: “Kayta churay, ama kaytaqa churaychu”, nispaqa. Sapankanchismi chaytaqa decidinanchis (Rom. 14:12; Gál. 6:5). Doctorkuna “yawartan necesitanki” nispa nisuqtiykikuqa, umalliqkunamanmi chayta willanayki, jinan paykunaqa usqhaylla Comité de Enlace con los Hospitales (CEH) nisqapi llank’aq hermanokunata wajanqaku.
¿Imapin yanapakunkuman Comité de Enlace con los Hospitales nisqapi llank’aq hermanokuna? Chay hermanokunaqa allin preparasqan kanku, chaymi paykunaqa yanapawasunman doctorkunawan parlaypi, chaymantapas respetachinkun yawarta mana churachikunapaq derechonchista. Willankumanmi doctorkunaman imaynatas mana yawarllawan operankuman chayta. Chaymantapas yanapawasunmanmi mayqen doctorchus mana yawarllawan operan chayta maskhaypi.
¿IMAKUNAPIN ÑAUPAQMANTARAQ PIENSANANCHIS AMA YAWARTA CHURACHIKUNAPAQ? NISQA VIDEOTA QHAWASPA, KAY TAPUYTA KUTICHIY:
-
¿Imakunatan ruwanayki ama yawarllawan operachikunaykipaq?
a Kusisqa kausay libropi 39 yachachikuymi yanapasunkiman yawarmanta kamachikuyta allinta kasukunaykipaq.
