Jehová Diosta serviqkunaqa maytan kusikunchis sapa wata Jesuspa wañupusqanta yuyarispa. Chaymi semanakuna ñaupaqtapas chay juñunakuy qhepamanpas tukuy atisqanchista ruwananchis Diosta jatunchananchispaq (Efes. 1:3, 7). Kallpachakusunmanmi chay juñunakuyman jujkunata invitananchispaq. Wakin hermanonchiskunaqa tiemponkutan t’aqanku precursor auxiliar kanankupaq. Marzo, abril killakunapiqa 30 otaq 50 horasta Diosmanta willaspan precursor auxiliar kasunman. ¿Munawaqchu chay killakunapi Diosmanta astawan willayta? ¿Imatan chaypaq ruwawaq?

Imachus ruwananchista ñaupaqmanta qhawarisun chayqa, atillasunmi junt’ayta (Prov. 21:5). Jesuspa wañupusqanta yuyarinanchis juñunakuyqa ratullan chayaramunqa, chaymi kunanmantapacha qhawarinanchis imakunatachus ruwayta munashanchis chayta. Qhawariy Diosta astawan servinaykipaq imakunatachus chay killapi ruwayta munashanki chayta, imaynatachus ruwawaq chaytapas. Jinaspa Jehová Diospa yanapayninta mañakuy (1 Juan 5:14, 15).

¿Imakunata ruwaspan Jesuspa wañupusqanta yuyarinapaq semanakunapi Diosta astawan serviwaq?