Suyakuyqa ancla jinan vidanchispaq (Heb. 6:19). Chaymi yanapawanchis Dios serviyninchispi sasachakuykuna kaqtin ama barco jina chinkapunapaq (1 Tim. 1:18, 19). Chay sasachakuykunan kanman: ima suyakusqanchispas mana junt’akuqtin, desgraciakunapi tarikuqtinchis, mana jampiy atikuq onqoykuna jap’iwaqtinchis, pininchispas wañupuqtin, otaq iñiyninchista imapas chiriyachiqtin.

Iñiypas suyakuypas yanapawanchismi Bibliapi promesakunata aswan sut’ita rikunapaq (2 Cor. 4:16-18; Heb. 11:13, 26, 27). Chayraykun sapa kutilla yuyaymanananchis Diospa promesankunapi. Janaq pachaman riytaña otaq kay pachapi tiyaytaña suyakushanchis chaypas. Chhaynapin ima pruebakunapipas tarikuqtinchisqa kusisqalla kashasun (1 Ped. 1:6, 7).

“SUYAKUYNIYKICHISWAN KUSIKUYCHIS” NISQA VIDEOTA QHAWASPA KAY TAPUYKUNATA KUTICHIYCHIS:

• ¿Imaraykun Moisés allin ejemplo noqanchispaq karan?

• ¿Ima ruwanayoqmi kanku familiapi umallikuna?

• ¿Imakunamantan tratakunman familiantin Diosta adorana juñunakuypi?

• ¿Imaynatan suyakuy yanapawasunman pruebakunata atipanapaq?

• ¿Imatan astawanqa suyakushanki?