Allin iñiyniyoqmi kanayki yanapanata necesitakusqan iñiq t’aqaman astakunaykipaqqa (Heb. 11:8-10). Chayta ruwayta munashanki chayqa, iñiq t’aqaykipi umalliqkunawanmi parlanayki. Chaymantapas allintan qhawarinayki imapichus llank’anaykita, may llaqtamanchus astakuyta munanki chaytapas. Chaypaqqa leewaqmi chaymanta willaq qelqanchiskunata, juj llaqtakunapi allinta yanapakuq iñiqmasinchiskunatataq tapuwaq (Prov. 15:22). Diospa yanapayninta mañakuy (Sant. 1:5). May llaqtamanchus riyta munashanki chay llaqtamanta astawan yachay. Atispaykiqa manaraq chay llaqtaman rinaykipaq decidishaspa ñaupaqta chay llaqtata riwaq imayna kasqanta yachanaykipaq.

JEHOVÁ DIOSPI IÑIYMI YANAPAWASUN-DIOSMANTA WILLANAPAQ NECESITAKUSQAN LADOKUNAMAN RINANCHISPAQ NISQA VIDEOTA QHAWASPA, KAY TAPUYKUNATA KUTICHIY:

• ¿Imakunatan hermanonchis Gabriel atipanan karqan? ¿Iman yanaparqan chaykunata atipananpaq?