Jehová Diosqa munanmi familiakuna kusisqa kausanankuta (Sal. 127:3-5; Ecl. 9:9; 11:9). Ichaqa mayninpin sinchi sayk’usqa tarikuspa otaq imatapas mana allinta ruwasqanchisrayku familianchis ukhupi manaña kusisqa kausay kanmanchu. Chhaynaqa, ¿imatan sapankanchispas ruwasunman familianchis ukhupi kusisqa kausay kananpaq?

Allin qosaqa sumaqtan esposanta respetan (1 Ped. 3:7). Tiempotan orqon paywan rimananpaq, manan phiñakunchu imatapas mana allinta ruwasqanmanta, agradecekuntaq esposanta tukuy imaymanata paypaq familianpaqwan ruwasqanmanta (Col. 3:15). Chaymantapas ninmi mayta munakusqanta, jujkunaq qayllanpitaq alaban allinkuna ruwasqanmanta (Prov. 31:28, 31).

Allin esposaqa kallpachakunmi qosanta yanapananpaq (Prov. 31:12). K’umuykukuywanmi qosanta kasukun, tukuy imapitaq payta yanapan (Col. 3:18). Sumaq simiwanmi rimapayan, allinkuna ruwasqallantataq jujkunaman willan (Prov. 31:26).

Allin tayta-mamaqa tiempotan orqon wawankunawan tiempota pasarinanpaq (Deut. 6:6, 7). Willankun mayta paykunata munakusqankuta (Mat. 3:17). Yachankutaqmi imay ratupi wawanku corregiyta, munayllatataq chayta ruwanku (Efes. 6:4).

Allin wawakunaqa tayta-mamankutan respetanku kasukunku ima (Prov. 23:22). Willankun tayta-mamankuman imachus piensasqankuta, imayna sientekusqankutapas. Manataq phiñakunkuchu tayta-mamanku wanachiqtin (Prov. 19:20).

¿FAMILIAPI KUSISQA KASUNMANCHU? NISQA VIDEOTA QHAWASPA, KAY TAPUYTA KUTICHIY:

¿Imatan sapankapas ruwarqanku familianku ukhupi aswan kusisqa kausanankupaq?