DIOSPAQ JINA KAUSASUN
¿Ima llank’aykunamanmi kay watapi aypayta munawaq?
Noqanchisqa Jehová Diosta astawan serviyta munaspan, payta kusichiyta munaspan Diospa llaqtanpiqa ima llank’aypipas yanapakuyta munanchis. Ima llank’aypipas yanapakunanchispaqqa kallpachakunanchismi, chaymi yanapawasun allin poqosqa cristiano kananchispaq (1 Tim. 4:15). Ichaqa, ¿imaraykun qhawarishanallanchis imapichus yanapakuyta munanchis chayta? Imaynapichus tarikusqanchis cambiasqanrayku. Yaqapaschá manaña chay llank’ayman aypayta atisunmanchu. Otaq ñapaschá chay llank’ayman ayparunchisña, chhayna kaqtinqa juj llank’ayman aypananchispaqmi kallpachakunanchis.
Mosoq wata manaraq qallarishaqtinmi ima llank’aymanchus aypayta munanchis chayta qhawarisunman. Familiantin Diosta adorasqaykichis juñunakuypin chaykunamanta parlariwaqchis, jinaspa qhawariwaqchis ima llank’aymanchus sapankaykichis aypayta munasqaykichista, familia jina aypayta munasqaykichistapas.
¿Ima llank’aykunamanmi aypayta munawaq? ¿Imakunatan chaypaq ruwawaq?
Bibliata leespa, sapallaykipi Bibliata estudiaspa, juñunakuykunaman rispa, tapuykunaman kutichispa (w02-S 15/6 15 párrs. 14, 15).
Diosmanta willaspa (w23.05 27 párrs. 4, 5).
Aswan allin cristiano kanaykipaq (w22.04 23 párrs. 5, 6).
Juj llank’aykuna:
