IMARAYKUN ALLINPUNI: Internetpi jujkunawan parlayqa allinpaq otaq mana allinpaqmi kanman. Wakin cristianokunaqa manan utilizankuchu, wakintaq ichaqa necesitanku familiankuwan otaq amigonkunawan parlanankupaq. Saqran ichaqa mayta munan internet-ta utilizaspa mana allinkunata ruwananchista, mana allinta qhawarichikunanchista, Jehová Dioswanpas mana allinpi kananchista. Ichaqa Jesús jinan Bibliaq yanapayninwan imachus mana reparaspa, chaykunamanta cuidakusunman (Luc. 4:4, 8, 12).

PELIGROKUNA:

• Tiempotan usuchisunman. Sichus nishu tiempo internetpi parlasun otaq whatsapp nisqapi, facebook nisqakunapi chayqa, manañan tiemponchis aypanqachu Diospaq llank’ananchispaq.

  Yanapaq textokuna: (Efes. 5:15, 16; Filip. 1:10)

• Mana allin kaqkunata qhawaykuna. Q’alalla runakunata qhawayqa pornografía qhawaymanmi otaq qhelli juchamanmi apawasunman. Jinaspapas Diospa contranpi sayariqkunaq ruwasqanta leespaqa iñiyninchispin pisipasunman.

  Yanapaq textokuna: (Mat. 5:28; Filip. 4:8)

• Millay fotokunata churaykuna otaq jujkunamanta mana allinta rimaykuna. Sonqonchis q’otukuq kasqanraykun mana allin ruwaykunamanta fotokunata churanapaq tentasqa kasunman, otaq imatapas jujkunamanta qelqasunman. Chaykunawanqa mana allintan jujkunata qhawarichisunman, iñiyninkupitaq pisipachisunman.

  Yanapaq textokuna: (Rom. 14:13; Efes. 4:29)

ALLIN YUYAYWAN UTILIZAY “REDES SOCIALES” NISQA VIDEOTA QHAWASPA QATIMUQ DIBUJOKUNAMANTA RIMAYCHIS: