20:28

Fariseokunapas kamachikuy simi yachachiqkunapas uma oqariq runakunan karanku, paykunaqa jujkunaq jatunchasqan kaytan munaranku (Mat. 23:5-7). Jesusmi ichaqa jujniray karan. Biblian nin: “Runaq Churinpas manan servichikuqchu jamuran, aswanpas jujkunata servinanpaqmi”, nispa (Mat. 20:28). Noqanchisrí, ¿Dios serviyninchispi jujkuna qhawariwanallanchispaqchu ima ruwaypipas kallpachakunchis? Jehová Diospaq importante kananchispaqqa Jesusmanmi rijch’akunanchis, tukuy atisqanchistataq ruwananchis jujkunata yanapananchispaq. Tukuy chaykunataqa manapaschá jujkunaqa rikunkuchu, ichaqa Jehová Diosmi rikun (Mat. 6:1-4). ¿Imakunatan ruwan humilde cristiano?

• Juñunakuna wasi limpiaypi mantenimiento ruwaypi ima yanapakun.

• Kuraq iñiqmasikunata juj iñiqmasikunatapas yanapan.

• Predicación aparikunanpaq qolqeta donaspa yanapakun.