IMARAYKUN ALLINPUNI: Primera Corintios libropiqa Pablon qelqaran 14 cartakunata hermanokunata animananpaq. Carta qelqayqa allinmi: Qelqashaspaqa allintan ajllasunman palabrakunata, cartata chaskikuqpas askha kutitan leeyta atinkuman. Cartawanqa allintan predicasunman familianchiskunaman, reqsisqanchiskunaman, wasinkupi mana tariy atisqanchis runakunamanpas. Ejemplopaq, yaqapaschá predicaqtinchisqa uyariwaranchis kutiqtinchistaq manaña wasinpi tarinchisñachu otaq edificiokunapi tiyanku, wakin lugarkunamanqa manan jaykuyta atinchischu allin controlasqa kasqanrayku otaq nishu karupi tiyasqankurayku. Chhayna kaqtin, ¿imaynatan qelqasunman mana reqsisqanchis runakunaman?

IMAYNATAN RUWASUNMAN:

• Kikin runawanpas rimashawaq jinata qelqay. Ñaupaqtaqa pi kasqaykita willay, imarayku cartata qelqasqaykitawan. Chaymantataq piensachinaykipaq jina tapuyta ruwawaq, internetpi direccionninchista ima qelqawaq. Internetninta Bibliamanta estudiota qosqanchismanta ima willawaq (manaraqmi kanchu quechuapiqa) otaq wasinpipas Bibliamanta estudiota qosqanchista ima, willawaqmi estudiota qosqanchis mayqen qelqamantapas juj temata. Cartatawan kuskatan churawaq JW.ORG nisqa tarjetata, juj invitacionta otaq juj tratadotawan.

• Pisillata qelqay. Askhata qelqaqtiykiqa sayk’urapuspan manaña tukunmanchu leeyta (qhaway “Imaynata cartata qelqanapaq” nisqata).

• Allinta carta qelqasqaykita revisay, fácil leenata jinalla ruway, juj amigoykiman jina qelqay, animanapaq jina respetowan ima. Cartata chaskiq runaqa manan chaskisqanmantaqa imatapas pagananchu, aswanpas qanmi paganayki.