Videokunaqa allintan yanapawanchis Bibliamanta entiendenanchispaq allinta yuyananchispaqpas. Jehová Diospas yachachiqninchis kaspan allinta entiendenanchispaq comparacionkunata utilizaran (Gén. 15:5; Jer. 18:1-6). Jesuspas comparacionkunatan utilizaran yachachinanpaq (Mat. 18:2-6; 22:19-21). Kay tiempopipas videokunawanmi allinta entiendenchis. ¿Videokunawanchu estudiantenchiskunaman Bibliamanta yachachishanchis?

Allin willakuykuna folletota yachachinapaqmi kashan 10 videokuna. Videokunaq wakin titulonkunaqa folletopi tapuykunawanmi tupashan. Internetpi rijuriq folletopiqa rijurishanmi may partepi videota qhawanapaq. Kallantaqmi juj videokunapas estudiota qonapaq qelqanchiskunata allinta entiendenanchispaq.

Yaqapaschá estudianteyki Bibliamanta juj temata mana entiendeyta atishanchu otaq ima pruebapipas tarikushan. Maskhay internetpi jw.org® direccionpi otaq JW Broadcasting® programata yanapanaykipaq. Yaqapaschá iskayniykichis qhawawaqchis jinaspa chaymanta rimawaqchis.

Sapa killan mosoq videokuna lloqsimun. Qhawaspaykiqa imaynata jujkunaman yachachinaykipin piensawaq.