Jehová Diosqa kusisqa Diosmi, payqa munanmi paymanta runakunaman willaspa kusikunanchista (1 Tim. 1:11). Kusisqa willananchispaqqa allin yachachiqmi kananchis. Chaypaqqa tapurinanchismi rimapayasqanchis runata. Tapurispanchismi piwanpas parlariyta atinchis. Chaymantapas tapurispan uyariqninchiskunata piensachinchis (Mat. 22:41-45). Rimapayasqanchis runata tapuspaqa tukuy yuyaymi uyarinanchis, chhaynapin rikuchishanchis payta respetasqanchista (Sant. 1:19). Chaymantapas yanapawasunmi imamantas yachayta munanku chayta yachananchispaq.

PITAPAS DIOSTA SERVINANPAQ YANAPASPAQA KUSIKUNCHISMI. DIOSMANTA ALLIN YACHACHIQ KASUNCHIS: TAPUYKUNAWAN YACHACHISUN NISQA VIDEOTA QHAWASPA KAY TAPUYKUNATA KUTICHIY:

• ¿Imaynan karan Coral?

• ¿Imatan Rita ruwaran Coralta reqsinanpaq?

• ¿Ima niranmi Coralta astawan yachayta munananpaq?

• ¿Imata tapuspan Rita Bibliapi nisqanta Coralman entiendechiran?