Mana allin ruwaykunata saqepuqkunallan Jehová Diospa amigonqa kankuman (1 Ped. 1:14-16). Sichus yachachisqanchis runa qhelli ruwaykunata saqepunqa chayqa, allintan familiawan kausanqa, saludninpas mejoranqan, qolqentapas aypachikunqan.

Chaymi paykunaman mana manchakuspa willanayki Diospa kamachikuyninkunata, imarayku chaykunata kasukuy allinpuni kasqantapas. Sichus yachachisqanchista yanapasun imachus piensasqanta cambiananpaq chayqa, atinqan Diospa kamachisqanta kasukuyta (Efes. 4:22-24). Sut’ita niy: “Diospa yanapayniwanqa ima mana allin ruwaytapas atillankin saqepuyta”, nispa (Filip. 4:13). Chaymantapas yachachinaykin sonqon ima juchatapas ruwananpaq tanqashaqtin chay ratupi Diosmanta mañakunanpaq. Reparachinaykitaq imachus juchaman urmananpaq tanqaman chayta, chaykunamanta cuidakunanpaqpas. Kallpachanaykitaq mana allinkuna ruwasqan rantinpi allinkunata ruwananpaq. Yachachisqayki runa Jehová Diospa yanapayninwan allinkuna ruwasqanta rikuspaykiqa anchatan kusikunki.

YACHACHISQANCHISKUNATA YANAPASUN DIOSPA CHEQNIKUSQANKUNATA SAQENANKUPAQ NISQA VIDEOTA QHAWASPA, KAY TAPUYKUNATA KUTICHIY:

• ¿Phiñakurankuchu umalliqkunapas Ritapas Coral “marihunatan mijuni” niqtin?

• ¿Imatan Rita ruwaran Coralta yanapananpaq?

• ¿Imatan Coral ruwaran Diospa yanapayninta chaskinanpaq?