Astawanmi yapakushan terremotokunapas juj llakikunapas. Chhayna llakikunapi tarikuq hermanonchiskunata yanapanapaqqa allin organizasqan kashananchis. Chaymi Umalliq T’aqaqa kamachirqan llapa sucursalkunapi Departamento de Labores de Socorro nisqa kananpaq.

Chaypi llank’aq hermanokunaqa may llaqtapichus ima llakipas pasarqan chaypi kashaq umalliqkunatan usqhaylla wajanku, jinaspa tapunku imatachus hermanokuna necesitashasqankuta. Sichus chaypi tiyaq hermanonchiskuna paykunallamanta mana allichayta atinkuchu chayqa, sucursalpi llank’aq hermanokunan capacitasqa hermanokunata ajllanku llakipi tarikuq hermanokunata yanapanankupaq. Chay hermanokunan qhawarinku jayk’a yanapakuq hermanokunatachus necesitakusqanta, imakunatachus rantikunantapas.

Chhaynata organizakusqanqa allinpunin. Chhaynapin mana comuntachu imatapas ruwakun, manataqmi qolqetapas materialkunatapas usuchikunchu. Sichus hermanokuna paykunallamanta yanapankuman chayqa manan allinchu kanman.

Sucursalpa ajllasqan hermanokunaqa allintan qhawarinku may tukuytachus gastakunanta, jayk’a yanapakuq hermanokunachus necesitakunanta. Chaymantapas paykunaqa chay llaqtapi kaq autoridadkunawanmi parlarinku, autoridadkunaqa yanapawanchismi hermanokunata allinta yanapanapaq. Chhaynaqa ama qanllamantaqa jujkunamanta qolqeta mañaychu, nitaq llakipi tarikuq hermanokunaman imachus necesitasqankuta apachiychu, nitaq qanllamanta yanapakuqpas riychu.

Noqanchisqa anchatan hermanonchiskunata munakunchis, chaymi ima llakipas kaqtinqa yanapakuyta munanchis (Heb 13:16). Ichaqa, ¿imaynatan yanapakusunman? Ñaupaqtaqa Diosmantan mañapusunman chay llakipi tarikuq hermanokunapaq, paykunata yanapaq hermanokunapaqwan. Chaymantapas qolqenchistan churasunman Diospa gobiernonmanta willakunanpaq nisqa cajaman. Umalliq T’aqaq dirigisqanmi sucursalkunaqa allinta yachanku may llaqtapichus hermanokuna yanapanata necesitasqankuta, imakunatachus necesitasqankutapas. Sichus yanapakuq riyta munanchis chayqa Solicitud de voluntario local de diseño y construcción (DC-50) nisqatan junt’asunman.

BRASILPI JATUN LLOQLLA PASARQAN NISQA VIDEOTA QHAWASPA, KAY TAPUYTA KUTICHIY:

¿Iman gustarasunki Brasilpi hermanokunata yanapakusqanmanta?