29 abril-5 mayo
SALMOS 34, 35
10 taki mañakuypiwan | Juñunakuyta qallarinapaq (1 min.)
1. “Tukuy tiempon Jehová Diostaqa jatunchasaq”
(10 mins.)
Davidqa problemakunapiña tarikuspapas Jehová Diosllatan jatuncharqan (Sal. 34:1; w07-S 1/3 22 párr. 11).
Davidqa may kusisqan Jehová Diosmanta jujkunaman willaq, manataqmi pay kikinmantachu alabakuq (Sal. 34:2-4; w07-S 1/3 22 párr. 13).
Diosta jatunchaspan Davidqa amigonkunata iñiyninkupi kallpacharqan (Sal. 34:5; w07-S 1/3 23 párr. 15).
Jehová Diosqa rey Akispa makinmantan Davidta librarqan, Akistaqa Abimélec nispan nikullantaq. Chay qhepamanmi 400 runakuna Davidpa ladonmanta kapurqanku, paykunaqa mana allinpin Saulwan kasharqanku (1 Sam. 22:1, 2). Yaqapaschá Davidqa paykunapi piensasharqan kay Salmos capitulota qelqashaspaqa (Sal. 34, umanpi kaq willakuy).
TAPUKUY: “¿Imaynatan juñunakuykunapi hermanokunawan rimaspa Jehová Diosta jatunchayman?”, nispa.
2. Maskhasun ancha allin yachachikuykunata
(10 mins.)
-
Sal. 35:19, willakuy: ¿Imatan David nisharqan “amayá cheqniwaqniykunaqa ch’illmiykuwachunkuchu” nisqanwan? (w06-S 15/5 20 párr. 2).
-
¿Ima allin yachachikuykunatan yacharqanki kay semana Biblia leesqaykipi?
3. Bibliata leenapaq
(4 mins.) Sal. 34:1-22 (th lección 5).
4. Rimayta qallariy
(2 mins.) MAYPIÑA KASPAPAS. Manaraq Bibliamanta willashaqtiyki rimasqaykichis tukupun (lmd 1 yachachikuy, 4 punto).
5. Kutiy
(4 mins.) MAYPIÑA KASPAPAS. (lmd 2 yachachikuy, 4 punto).
6. Imapichus creesqaykita willay
(5 mins.) Actuación. ijwfq 59. Imamanta actuanqaku: ¿Imaraykun Jehová Diospa testigonkuna wakin fiestakunata mana ruwankuchu? (th lección 17).
59 taki
7. Kinsa ruwaykunata ruwaspan Jehová Diosta juñunakuykunapi jatunchasunman
(15 mins.) Uyariqkunaq yanapayninwan ruway.
Juñunakuyninchiskunapiqa Jehová Diostan jatunchananchis. ¿Imaynatan chayta ruwasunman? Kinsamanta kunan yachasun.
Hermanonchiskunawan rimaspa: Hermanonchiskunawan rimaspaqa astawanqa rimananchis Jehová Dios may munakuq kasqanmantan (Sal. 145:1, 7). Kaykunamantan rimasunman: Qelqanchiskunapi leesqanchis imayna yanapawasqanchismanta, Diosmanta willasqanchista runakuna sumaqta uyariwasqanchismanta, juj hermanonchis sumaqta kallpachawasqanchismanta, Diospa kamasqankunamanta ima. Tukuy chaykunaqa Jehová Diospa sumaq regalonmi (Sant. 1:17). Sichus kallpachakusun juñunakuykunaman temprano chayananchispaq chayqa, kanqan tiempo iñiqmasinchiskunawan chaykunamanta rimananchispaq.
Comentaspa: Kallpachakusun sapa juñunakuypi juj kutillatapas comentananchispaq (Sal. 26:12). Chaypaqqa tapuykunamanmi pisi simikunallapi kutichisunman, juj textomantan rimarisunman, chaypi kaq fotomantan rimarisunman otaq imakunapi yanapawasqanchistan willasunman. Tapuykuna kaqtinqa askhapaschá makinkuta oqarinqaku, chaymi iskay kinsa comentariokunata preparakunanchis. Chaymantapas 30 segundosllapi otaq aswan pisillapi comentasun chayqa askha hermanokunan “Diosman jatunchay sacrificiota” qoyta atinqaku (Heb. 13:15).
Takispa: Juñunakuykunapi Diosta jatunchanapaq takikunatan sonqomanta takinanchis (Sal. 147:1). Yaqapaschá mana sapa juñunakuykunapichu comentayta atisunchis iñiq t’aqanchis jatun kasqanrayku, ichaqa llapanchismi juñunakuykunapi takikunataqa takiyta atisunman. Manaña munaytachu takinchis chaypas kallpachakusun chayqa Jehová Diosqa maytan kusikunqa (2 Cor. 8:12). Juñunakuykunapi takinanchispaqqa wasinchispin ñaupaqmantaña ensayananchis.
Ñaupa tiempomanta kay tiempokama: Jehová Diosta jatunchanapaq takikuna (juj parte) nisqa VIDEOTA qhawachiy. Jinaspa uyariqkunata tapuy:
¿Imaynatan kay tiempokunapi rikuchirqanchis takikunawan Diosta jatunchay importante kasqanta?
