ALLIN YACHACHIQ KASUN | DIOSMANTA KUSISQA WILLANAYKIPAQ
Tukuy sonqowan yachachisun
Tukuy sonqowan Diosmanta runakunaman yachachisun chayqa paykunaqa uyariwasunmi. Chaymantapas tukuy sonqowan yachachispan rikuchishanchis willasqanchis ancha allinpuni kasqanta. May llaqtamantaña kaspapas, imayna familiapiña uywasqa karanchis chaypas atisunmanmi tukuy sonqowan Diosmanta willayta (Rom. 12:11). ¿Imaynatan chayta ruwasunman?
Ñaupaqtaqa yuyarinaykin Diosmanta willasqanchis ancha allinpuni kasqanta (Rom. 10:15). Chaymantapas yuyarinaykin Diosmanta willasqanchisqa runakunaq allinninpaq kasqanta. Willasqanchista uyarikuspan paykunaqa salvakuyta atinkuman (Rom. 10:13, 14). Chaymantapas tukuy sonqomantan rimanayki, chaymi reparakunan uyaykiwan makiykiwan yanapachikuspa rimasqaykipi.
PITAPAS DIOSTA SERVINANPAQ YANAPASPAQA KUSIKUNCHISMI: DIOSMANTA ALLIN YACHACHIQ KASUNCHIS. TUKUY SONQOWANMI YACHACHINANCHIS NISQA VIDEOTA QHAWASPA, KAY TAPUYKUNATA KUTICHIY:
-
¿Imaraykun Rita manaña Coralman Bibliamanta yachachiyta munasharanchu?
-
¿Imakunapin Rita piensanan karan sumaq sonqowan Coralta yachachinanpaq?
-
¿Imaraykun yachachisqanchis runakunaq allin ruwasqankuta astawan qhawarinanchis?
-
¿Imaynan yachachisqanchis runakuna sientekunqaku kusisqa yachachiqtinchis?