Juchayoq kasqanchisraykun tukuy tiempo cuidakunanchis ama mana allinkunata munapayanapaq. Manachus chayta ruwasunman chayqa, Jehová Diosmantan karunchakapusunman. Wakinqa Diosta munakunkuña chaypas, wasiyoq, mijunayoq, imaymanayoq kaytan astawanqa munanku. Jujkunañataq warmi-qhari puñuyta nishuta munapayasqankurayku mana kasukunkuchu Diospa kamachikuyninkunata (Rom. 1:26, 27). Chaymantapas wakinqa jujkunawan allinpi kayta munaspan paykunaq nisqanman jina ruwanku mana allinña kashaqtinpas (Éx. 23:2).

¿Imatan ruwasunman mana allin munapayaykunaman ama urmananchispaq? Tukuytan kallpachakunanchis Diospa sonqonpaq jina imatapas ruwananchispaq (Mat. 4:4). Chaymantapas Diostan rogakunanchis mana allin munapayaykunata sonqonchismanta orqonanchispaq. Diosninchisqa yachanmi imachus noqanchispaq allin kasqanta, imatachus chaypaq ruwananchistapas (Sal. 145:16).

AMA FUMAY VICIOMAN URMAYCHU NISQA VIDEOTA QHAWASPA, KAY TAPUYKUNATA KUTICHIY:

• ¿Imanaqtinmi wakin runakuna fumanku?

• ¿Iman pasawasunman fumaqtinchis?

• ¿Imanaqtinmi mana allinchu fumaypas vapeaypas? (2 Cor. 7:1).

• ¿Imatan ruwawaq chay viciokunata saqepunaykipaq?