Jesusqa runakunaman allinta yachachinanpaqmi chay tiempopi imakunachus pasashasqanmanta willaran (Luc. 13:1-5). Qanpas Diospa gobiernonmanta runakunaman willanaykipaqqa rimawaqmi llaqtaykipi imakunachus pasashasqanmanta. Yaqapaschá rimawaq imapas nishuta valepushasqanmanta, ima llakipas pasashasqanmanta, ch’aqwaykuna kashasqanmanta, jujkunamantapas, jinaspa chay qhepaman piensananpaq jina tapuriwaq: “¿Jayk’aqllapas chay tukunmanchu?”, nispa. Otaq tapuwaq: “¿Iman necesitakun chay chinkananpaq?”, nispa. Chay qhepamanmi chaymanta willaq textota Bibliapi qhawachiwaq. Sichus astawan yachayta munan chayqa, juj videota qhawachiy otaq yachachinapaq qelqakunamanta jujninmanta rimaychis. Noqanchisqa kallpachakunanchismi sonqoman chayaqta rimananchispaq, “tukuy imaymanatan ruwananchis allin willakuykunarayku” (1 Cor. 9:22, 23).

¿Imakunamantan llaqtaykipi runakunaman rimapayawaq?