¿Kanchu grabasqa Biblia? Arí kanmi, Mosoq Pacha Bibliaqa grabasqan kashan. Chay Bibliaqa askha simikunapin lloqsimushan. Mosoq Pacha Bibliaqa jujniraymi juj Bibliakunamanta. ¿Imaraykun chayta ninchis? Bibliapiqa askha runakunan rimashanku, chaymi grabasqa Bibliapiqa askha runakunaq voznin kashan. Chaymantapas grabasqa Bibliata uyarispaqa reparankin rimamuq imaynachus kashasqanta; phiñasqachus llakisqachus waqashanchus chayta, chhaynapin Bibliaq nisqanta allinta entiendenki.

¿Imapin yanapasunki grabasqa Bibliata uyariy? Grabasqa Bibliata uyariyqa wakin runakunatan yanaparqan Bibliaq nisqanta allinta entiendenankupaq. Chaymantapas yanapanmi rimamuqpa imaynachus sientekushasqanta entiendenankupaq (Prov. 4:5). Wakin runakunapas ninkun: “Grabasqa Bibliata uyarispaqa thajmi sientekuni”, nispa (Sal. 94:19).

Bibliata uyariyqa allintan vidaykipi yanapasunki (2 Crón. 34:19-21). ¿Kanchu rimasqayki simipi grabasqa Biblia? Chhayna kaqtinqa kallpachakuy sapa kutilla uyarinaykipaq.

¿IMAKUNATAN BIBLIATA GRABANANKUPAQ RUWANKU? NISQA VIDEOTA QHAWASPA, KAY TAPUYTA KUTICHIY:

¿Imaninkin grabasqa Bibliamanta?