Askha hermanonchiskunan kallpachakushanku Diospa llaqtanpi astawan llank’anankupaq, chaymi precursor kashanku, Betelpi llank’ashanku, otaq juñunakuna wasikunata ruwaypi yanapakushanku. Chaymantapas qhari iñiqmasinchiskunaqa kallpachakushankun umalliq kanankupaq (1 Tim. 3:1). Ichaqa chaywanqa manan nishanchischu: “Cristianokunaqa ambicioson kananchis, chhaynapi Diospa llaqtanpi allin puestoyoq kaspa allin respetasqa kananchispaq”, nispaqa.

¿IMANAQTINMI KALLPACHAKUNANCHIS ASTAWAN LLANK’ANANCHISPAQ? (1 TIM. 3:1) NISQA VIDEOTA QHAWASPA, KAY TAPUYKUNATA KUTICHIY:

Qatimuq textokunapi nisqanman jina, ¿imaraykun kallpachakunanchis Diospa llaqtanpi astawan yanapakunanchispaq?

• Mat. 5:14-16

• 1 Tim. 4:15

• Heb. 5:14-6:1