Llakikuykunaqa kashallanmi, chayqa manan Jehová Dioswan mana allinpi kasqanchisraykuchu. Bibliaq nisqan jina mayninpiqa Jehová Diospas llakikunmi (Gén. 6:​5, 6). Ichaqa, ¿imatan ruwasunman sinchi llakikuy ñit’iwaqtinchis otaq tukuy tiempo llakisqalla kaspa?

Diospa yanapayninta mañakuy. Jehová Diosqa maytan noqanchismanta llakikun. Payqa allintan yachan kusisqachus icha llakisqachus kashanchis chayta. Chaymantapas payqa allintan yachan imachus sonqonchispi kashan chayta (Sal. 7:9b). Chaymi payqa sinchi llakipi tarikuqtinchis yanapawasunpuni. Jehová Diosqa sapankanchistan mayta munakuwanchis (Sal. 34:18).

Llaki onqoyman ama urmanaykipaq cuidakuy. Sichus mana valeqpaq qhawarikusunman chayqa manañan kusisqachu kasunman, chaymantapas Jehová Diosmantan karunchakusunman. Sonqomantan paqarimun ima yuyaykuypas imayna runa kasqanchispas, chaymi sonqonchistaqa allinta waqaychananchis (Prov. 4:23).

IÑIQMASINCHISKUNAQA THAJ KAYTAN TARINKU DEPRESIÓN ONQOYNIYOQÑA KAQTINKUPAS NISQA VIDEOTA QHAWASPA, KAY TAPUYKUNATA KUTICHIY:

• ¿Imakunatan Nikki hermananchis ruwarqan llaki onqoyninmanta ama nishuta llakikunanpaq?

  Kutichiy:

• ¿Imaynapin Nikki hermananchis reparakurqan doctorman rinan kasqanta? (Mat. 9:12).

  Kutichiy:

• ¿Imatan Nikki hermananchis ruwarqan Jehová Diosman jap’ipakunanpaq?

  Kutichiy: