DIOSPAQ JINA KAUSASUN
Jujkuna qanmanta burlakuqtinku Jehová Diosman jap’ipakuy
Jujkuna qanmanta burlakuqtinkuqa mana valeqpaqmi qhawarikuwaq, sinchi llakisqataqmi tarikuwaq. Chaymantapas Diospi mana iñiqkunata manchakusunman chayqa, manañan Jehová Diosta kusisqachu servisunman. Chhaynaqa, ¿imatan ruwawaq jujkuna qanmanta burlakuqtinku?
Askha runakunan paykunamanta burlakuqtinku Jehová Diosman jap’ipakurqanku, chhaynapin mana pisiparqankuchu (Sal. 18:17). Jujninmi karqan Ester, payqa mana manchakuspan Amanpa imachus ruway munasqanta sut’iman orqorqan. Amanqa millay runan karqan, Diospa llaqtantan cheqnikurqan (Est. 7:1-6). Ichaqa manaraq chayta ruwashaspan Esterqa ayunarqan, chhaynapin rikuchirqan Jehová Diosman jap’ipakusqanta (Est. 4:14-16). Payqa kallpachakurqanmi Jehová Diospa llaqtanta yanapananpaq, chaymi Diosqa Estertapas llaqtantapas bendecirqan, pakaykurqan ima.
Sichus jujkuna qanmanta burlakushanku chayqa, Jehová Diospa yanapayninta mañakuy, chaymantapas qanmanta aswan kuraq runaman willakuy, paykunan kankuman mamitayki otaq papaykipas. Jehová Diosqa qantapas yanapasunkipunin imaynan Esterta yanaparqan jinata. Ichaqa, ¿imatawanmi ruwawaq qanmanta burlakuqtinku?
WAYNA-SIPASKUNAPAQ: ¿IMATAN RUWAWAQ JUJKUNA QANMANTA BURLAKUQTINKU? NISQA VIDEOTA QHAWASPA, KAY TAPUYKUNATA KUTICHIY:
-
¿Imatan wayna-sipaskuna yachankuman Charlie, Ferin iñiqmasikunaq ruwasqankumanta?
-
¿Imatan tayta-mamakuna yachankuman kay videopi rikusqankumanta?
