7-13 octubre
SALMOS 92-95
84 taki mañakuypiwan | Juñunakuyta qallarinapaq (1 min.)
1. ¡Jehová Diosta serviymi imamantapas aswan allinqa!
(10 mins.)
Jehová Diostaqa adorananchispunin (Sal. 92:1, 4; w18.04 28 párr. 5).
Jehová Diosqa serviqninkunatan yanapan allinkunata ruwanankupaq, chhaynapi kusisqa kausanankupaq (Sal. 92:5; w18.11 23 párr. 8).
Jehová Diosqa munakushallanmi machuyapuq payayapuq serviqninkunataqa (Sal. 92:12-15; w20.01 19 párr. 18).
TAPUKUY: “¿Iman jark’awashan Diosman entregakuspa bautizakunaypaq?”, nispa.
2. Maskhasun ancha allin yachachikuykunata
(10 mins.)
-
Sal. 92:5. ¿Imaynatan kay texto Jehová Diospa yachayninta rikuchin? (cl-S 176 párr. 18).
-
¿Ima allin yachachikuykunatan yacharqanki kay semana Biblia leesqaykipi?
3. Bibliata leenapaq
(4 mins.) Sal. 94:1-23 (th lección 5).
4. Rimayta qallariy
(4 mins.) MAYPIÑA KASPAPAS. Juj runawan rimashaspa munayllata willay Bibliamanta yachachiq kasqaykita (lmd 5 yachachikuy, 3 punto).
5. Kutiy
(3 mins.) MAYPIÑA KASPAPAS. Sumaqta uyarikuq runaman Bibliamanta estudiota munachiy, ñaupaqpiqa manas Testigokunawan estudiayta munasqachu (lmd 8 yachachikuy, 4 punto).
6. Yachachiy
(5 mins.) Bibliata estudiachisqayki runan iñiyninpi mana ñauparinchu, paywan sut’ita parlariy (lmd 12 yachachikuy, 5 punto).
5 taki
7. Waynachakunapas sipaschakunapas llakikunkun
(15 mins.) Uyariqkunaq yanapayninwan ruway.
Jehová Diosta serviqkunatapas sinchi llakikuykuna nanaykunan qatiriwanchis. Rey Davidpas askha kutipin sinchi llakisqa tarikurqan, kay tiempopipas chhaynallataqmi tarikunchis (Sal. 13:2; 139:23). Waynachakunapas sipaschakunapas chhayna sinchi llakikuypin tarikullankutaq. Chayraykun paykunapaqqa sasa kanman escuelankuman otaq juñunakuykunamanpas riy, jujkunata ruwaypas. Mayninpiqa sinchi llakisqa kasqankuraykun manchakunku, wakinqa wañuchikuypi imaraqmi piensanku.
Wayna-sipas sichus sinchi llakisqa kashanki chayqa tayta-mamaykiwan otaq allin iñiyniyoq hermanowan rimay. Chaymantapas Jehová Diosmanta mañakuy yanapanasuykipaq (Filip. 4:6). Payqa liston kashan yanapanasuykipaq (Sal 94:17-19; Isa. 41:10). Steing hermanota imachus pasarqan chayta qhaway.
Jehová Diosmi noqata qhawariwan, nisqa VIDEOTA qhawachiy. Jinaspa uyariqkunata tapuy:
• ¿Bibliamanta ima texton Steingta yanaparqan?
• ¿Imaynatan Jehová Dios Steingta cuidarqan?
Tayta-mamakuna sichus wawaykichis sinchi llakisqa kashan chayqa, atiwaqchismi paykunata yanapayta. Chaypaqqa tukuy yuyaywanmi uyariwaqchis, niwaqchistaqmi may munakusqaykichista. Chaymantapas willawaqchismi Jehová Dios may munakuwasqanchista (Tito 2:4; Sant. 1:19). Jehová Diosmi yanapasunkichis, paymi kallpatapas qosunkichis wawaykichista yanapanaykichispaq, chayrayku payllaman jap’ipakuychis.
¿Kashanmanchu iñiq t’aqaykipi pillapas sinchi llakisqa? Yaqapaschá kashan. Yachashanchispaschá mayqen hermanopas chhayna kasqanta, ichaqa manapaschá imaynapipunichus tarikusqantaqa entiendeshanchischu. Chhaynaña kaqtinpas kallpachakusunmanmi llapa hermanonchiskunaman may munakusqanchista rikuchinanchispaq (Prov. 12:25; Heb. 10:24).
