¿Ima regalon aswan allin kanman wawaykipaq? Paykunaqa necesitankun munakunaykita, yachachinaykita, cuidanaykitapas hinallataq hukkunatapas. Ichaqa chaykunamantapas aswan allin regaloqa Jehová Diosmanta yachachiymi Bibliapi cheqaq yachachikuykunata willay ima (Juan 17:3). Chaykunamanta yachaymi wawaykikunata yanapanqa Jehová Diosta astawan munakunankupaq huch’uychankumantapacha tukuy sonqowan Diosta servinankupaqpas (Mateo 21:16).

Huch’uy wawakunataqa entiendenankupaq hinallan yachachina, paykunaqa necesitankun tayta-mamankuwan kuska imatapas ruwayta, chaytan askha tayta-mamakuna repararqanku. Chayraykun ancha kusisqa kashayku Bibliamanta yachanaypaq nisqa qelqa ruwakamusqanmanta. Kaypi yachachikuykunaqa facil-llata yachachinapaq hinan kashan. Chaypi kaq dibujokunapas Bibliamanta textokunapas kinsa watachayoq wawakunapaq otaq aswan pisi watachayoqpaq hinan kashan. Wawaykichiskunawan kuska ruwanaykichispaqpas chaypin kashan. Bibliamanta yachanaypaq nisqa qelqaqa manan wawakunaq pukllanankupaqchu. Aswanpas wawaykiwan kuska leenaykipaqmi ruwasqa kashan, chhaynapin wawaykiwan rimanakuyta yachanki.

Kay qelqaqa allintan yanapasunki huch’uychankumantapacha wawaykikunaman Bibliamanta cheqaq kaqkunata yachachinaykipaq (2 Timoteo 3:14, 15).

Iñiqmasiykichiskuna,

Jehová Diospa testigonkunata Umalliq T’aqa