“Llaqtakunan huk llaqtakuna contra maqanakunqa, suyukunapas suyukuna contran sayarinqa [...]. Tukuy chaykunaqa nanay qallariyllaraqmi”

(Mateo 24:7, 8).

“Askha llulla profetakunan rikhurimunqaku, hinaspan askha runata pantachinqaku. Mana allin ruwaqkuna sinchita askhayaqtinmi manaña askha runa munanakapunqakuchu”

(Mateo 24:11, 12).

“Awqa-tinkuykunamanta [otaq guerrakunamanta], ch’aqwaykunamanta rimasqata uyarispaykichisqa aman musphankichischu, chay hinapunin kanan, ichaqa manan p’uchukayraqchu”

(Marcos 13:7).

“Sinchi pacha chhaphchiykunan kanqa, kayneqpi chayneqpi yarqaykuna, onqoykuna, hanaq pachapipas mancharikuy hatun señalkunan kanqa”

(Lucas 21:11).

 “Kaytaqa yachanaykin: tukukuy qaylla p’unchaykunataqa sasa tiempokunan chayamunqa. Runakunan kanqa paykuna kikinkuta munakuqkuna, qolqe sonqokuna, alabakuqkuna, hatunchakuqkuna, runamasinkuta k’amiqkuna, tayta-mamankuta mana kasuqkuna, mana reqsikuqkuna, Diosta mana manchakuqkuna, mana munakuyniyoqkuna, mana khuyapayakuqkuna, yanqa qasi tumpakuqkuna, aychankuq munaynillanta ruwaqkuna, millay yana alma runakuna, tukuy allinkaqta cheqnikuqkuna, amigonkunata hap’iykachiqkuna, waq’a hina ruwaqkuna, pay-payman tukuqkuna ima. Chay runakunaqa Dios munakunankutaqa aycha kusichiyllapin puriyta munanqaku, Dios sonqo runamanmi rikch’akunqakupas, kawsayninkuwantaqmi ichaqa Dios sonqo-kaytapas ‘manan valenchu’ ninqaku”

(2 Timoteo 3:1-5).