“Kamachikuy simi qelqamantaqa rimashallankipunin, chaytaqa tuta-p’unchaymi yuyaymanallankipuni qelqaq kamachikusqanman hinapuni ruwanaykipaq. Chay hinapin tukuy ima ruwasqaykipas allinkama kasunki”

(Josué 1:8).

“Leví runakunaqa Diospa kamachikuynin qelqata kunkayoqta leerqanku, t’ikraspankutaq sut’ita entiendechirqanku”

(Nehemías 8:8).

“Kusisamiyoqmi millay runakunaq yuyaychayninta mana hap’ikuqqa [...]. Payqa Señor Diospa kamachikuy siminwanmi kusikun, chaytan tutapas p’unchaypas yuyaymanan [...]. ¡Imapas ruwasqanqa allillanpunin!”

(Salmo 1:1-3).

“Hinan Felipeqa [Etiopiamanta runaman] qayllaykuspa profeta Isaiaspa qelqan leesqanta uyarirqan, chaymi nirqan: ‘¿Entiendenkichu leesqaykita?’, nispa. Paytaq nirqan: ‘¿Imaynatan entiendeyman mana pipas yachachishawaqtin?’, nispa”

(Hechos 8:30, 31).

 “Kay pacha qallariymantapachan runakunaqa sut’ita yachanku Diosqa wiñay atiyniyoq kasqanta, payqa Diospuni kasqantapas. Chaykunataqa manan runakunaqa rikunchu, aswanpas Diosqa kamasqankunapin sut’ita reqsichikun”

(Romanos 1:20).

“Chaykunataqa makillapuni ruway, chaykunaman k’askakuy, ahinapin iñiypi wiñasqaykita lliwpas sut’ita rikunqaku”

(1 Timoteo 4:15).

“Hukkuna hukkunawan kallpachanakusunchis aswanta munanakunanchispaq, allin ruwaykunatapas ruwananchispaq. Ama huñunakuyninchista saqesunchu”

(Hebreos 10:24, 25).

“Mayqenniykichispas pisi yachayniyoq kashan chayqa, mana phiñarispa lliwman askhatapuni qoq Diosmanta mañakuchun, hinan Diosqa payman yachayta qonqa”

(Santiago 1:5).