“Belén Efrata [...], qanmantan Israel suyuta kamachiq paqarimunqa”

(Miqueas 5:2).

“Rey Herodes kamachikushaqtinmi Judea provinciapi kaq Belén llaqtapi Jesusqa nacerqan. Chay qhepatataq inti lloqsimuy lado suyumanta Jerusalén llaqtaman chayamurqanku ch’aska qhawaypi yachaysapa runakuna”

(Mateo 2:1).

“P’achaytan rakinakunku, p’achaypaqmi sorteanku”

(Salmo 22:18).

“Soldadokunataq Jesusta chakataspaña, p’achankunata hap’ispa tawaman rakirqanku [...]. Hinallataq ukhuna p’achantapas hap’irqanku, chay ukhunaqa mana sirayniyoqmi karqan, wichaymantapacha huk awaylla. Chaymi paykunaqa ninakurqanku: ‘Ama llik’isunchu, aswanpas sorteasun, mayqenpaqchá kanqa’, nispa”

(Juan 19:23, 24).

“[Diosmi] llapa tullunkunata waqaychan, manataqmi huk tullullanpas p’akikunqachu”

(Salmo 34:20).

“Jesusman asuykuspataq ichaqa, wañusqataña rikuspa manaña chakinkunata p’akirqankuchu”

(Juan 19:33).

“T’urpuspa wañuchisqanku qharimanta waqaykunqaku”

(Zacarías 12:10).

“Huknin soldadon Jesuspa waqtanninta t’urpurqan, kaqratotaq phawamurqan yawarwan unuwan”

(Juan 19:34).

“Hinaqtinmi kinsa chunka qolqeta pagawarqanku”

(Zacarías 11:12, 13).

“Chunka iskayniyoq yachachisqankunamanta huknin Judas Iscarioteqa sacerdote umallikunaman rirqan. Hinaspan paykunata nirqan: ‘¿Imatataq qowankichisman Jesusta qankunaman hap’ichiqtiy?’, nispa. Hinan paykunaqa kinsa chunka qolqeta Judas Iscarioteman qorqanku”

(Mateo 26:14, 15; 27:5).