Diosmi Bibliapi runakunaman willan imachus munasqanta. Chaymi nikun: “Diospa Simin Qelqa”, nispa. Chaypin willashan kusisqa kawsanapaq ima ruwananchista, Diospa sonqonta imayna kusichinamantawan. Hinaspapas kay tapuykunamantan rimashan:

Bibliaqa 66 librokunayoqmi. Iskaypin t’aqasqa kashan: Hebreo-Arameo Simi Qelqakunapi (Ñawpa Rimanakuy), Griego Simi Qelqakunapiwan (Mosoq Rimanakuy). Bibliapi tarikuq librokunan t’aqasqa kashan capitulokunapi, capitulokunataq versiculokunapi. Kay folletopi huk texto rikhuriqtinqa ñawpaqtan libroq sutin rikhurin qatiqnintaq capítulo chaymantataq versiculokuna. Yachanapaq qhawarisun “Génesis 1:1” textota: chayqa Génesis libro, 1 capítulo, 1 versículo ninanmi.