Allin ruwasqankutan qhawarinayki. Hermanokunaqa Diospa sonqonpaq jinan imatapas ruwayta munanku, chaytan reparanayki. Ima consejotaña qonki chaypas, ñaupaqtan willanayki allinkuna ruwasqankuta.

Pisillata rimay mana allin kaqkunamanta. Sichus willanayki kanqa mana allin ruwaykunamanta chayqa, necesitakusqallanta willay. Astawanqa allin kaqkunamanta rimay.

Bibliata allinta utilizay. Willay imatachus Jehová Dios runakunarayku ñaupaqpi ruwasqanta, kunan tiempopi ruwashasqanta, jamuq tiempopi ruwanantapas. Uyariqkunata kallpachay, suyakuyniyoq kasqankutataq willay.