Rimayta tukushaspa yuyarichiy imamanta rimasqaykita. Jujmantan willawaq imamantas yachachiranki chayta, importante yachachikuykunatapas; chaytaqa jujniray palabrakunawanpas willawaqmi.

Uyariqkunata kallpachay. Willay imachus ruwanankuta, imarayku chayta ruway allinpuni kasqantapas. Chaypaqqa mana iskayaspan sonqomanta rimanayki.

Yachachisqaykita tukushaspaqa pisillatan rimanayki. Manan juj yachachikuykunataqa yapanaykichu. Jinaspapas pisillata rimaspan kallpachanayki allin kaqta ruwanankupaq.