‘Yachachiqkunañan kanaykichis’ (Heb. 5:12). Chaypi nisqan jina ancha allin yachachiq Diosninchismi invitawanchis juj runakunaman paymanta yachachinapaq. Familianchisman, hermanonchiskunaman, predicasqanchis runakunaman Diosninchismanta yachachiyqa may munaymi. Ichaqa allintan chaytaqa ruwananchis. Chhaynaqa, ¿iman yanapawasunman allin yachachiq kanapaq?

Chaypaqqa apóstol Pablo Timoteoman nisqantan kasukunanchis, paytan niran: “Leeshallaypuni jujkunaman Diospa simin qelqata, kallpachashallaypuni allin kaqta ruwanankupaqpas, yachachishallaypunitaq”, nispa. Nillarantaqmi: “Chayta ruwaspaqa qan kikiykitan salvakunki, uyarisuqniykikunapas salvasqallataqmi kanqaku”, nispa (1 Tim. 4:13, 16). Predicaspaqa jujkunaq vidantan salvasunman, chaymi kallpachakunanchis allin leeq allin yachachiq kananchispaq. Chaypaqmi kay folleto yanapawasun. Qatimuqpi qhawarisun kay folleto imayna ruwasqa kasqanta.

Jehová Dios jinaqa ‘manan mayqen yachachiqpas kanchu’ (Job. 36:22). Kay folleton yanapasunki allin leeq allin yachachiq kanaykipaq. Chaywanpas manan kayta qonqanaykichu: Yachachisqaykiqa Diosmantan jamun, paytaqmi runakunataqa llaqtanman pusamun (Juan 6:44). Chaymi sapa kutilla santo espiritunta mañakunanchis, Bibliamantapuni yachachinanchis, Diospa piensasqanman jina yachachinanchis, yanapananchistaq Diosta anchata munakunankupaq.

Ancha importante willakuytan runakunaman predicashanchis. Sichus mana iskayaspa Diospa kallpanta mañakusun chayqa allintan yachachisun (1 Ped. 4:11).

Llank’aqmasiykichiskuna,

Jehová Diospa testigonkunata umalliq t’aqa