Pantasqa religionkunamanta
¿Llapa religionkunachu Jehová Diosta adoranku?
¿Llapa religionkunatachu Jehová Dios chaskin pantasqataña yachachiqtinkupas?
Mat. 7:13, 14; Juan 17:3; Efes. 4:4-6
-
Kay textokunan chaymanta rimashallantaq:
-
Jos. 24:15. Josuemi nirqan: “Jehová Dios serviytachus icha juj dioskuna serviytachus ajllakusunchis”, nispa.
-
1 Rey. 18:19-40. Jehová Diosmi profeta Eliaswan sut’ita willachirqan cheqaq Diosta adoraqkunaqa mana Baaltapas ni juj dioskunatapas adoranankuchu karqan chayta.
-
¿Imaynatan Jehová Dios qhawarin waj llaqtakunapi kaq dioskunata? ¿Imaynata paykunata adorasqankutapas?
¿Imaninmi Jehová Dios paypa cheqnisqankunata ruwaspa “Diostan adorashayku” nispa niqkunata?
Isa. 1:13-15; 1 Cor. 10:20-22; 2 Cor. 6:14, 15, 17
-
Kay textokunan chaymanta rimashallantaq:
-
Éx. 32:1-10. Aaronqa Israel runakunata manchakuspan qorimanta torillota ruwarqan. Jinaspa nirqan: “Paqarinmi Jehová Diospaq fiestata ruwasunchis”, nispa. Chay ruwasqankuwanmi Jehová Diosqa sinchita phiñakurqan.
-
1 Rey. 12:26-30. Rey Jeroboanqa manan munarqanchu Israel runakuna Jerusalén temploman rinankuta, chaymi iskay torillokunata ruwachirqan Jehová Diospa rantinpi chaykunata yupaychanankupaq. Chhaynapin Israel runakunata juchallichirqan.
-
¿Ima kamachikuytan Jehová Dios serviqninkunaman qorqan juj dioskuna adoraqkunawan ama juñukunankupaq?
¿Imanirqanmi Jehová Dios Israel runakuna juj dioskunata adorasqankuta rikuspa?
Juec. 10:6, 7; Sal. 106:35-40; Jer. 44:2, 3
-
Kay textokunan chaymanta rimashallantaq:
-
1 Rey. 11:1-9. Juj nacionkunamanta esposankunan rey Salomontaqa tanqarqanku juj dioskunata yupaychananpaq. Chayta rikuspan jujkunapas kaqta ruwallarqankutaq, chhaynapin Jehová Diosta phiñachirqanku.
-
Sal. 78:40, 41, 55-62. Israel runakunaqa idolokunata yupaychasqankuwanmi Jehová Diosta phiñachirqanku. Chayta rikuspan Asafqa nirqan: “Jehová Diosqa manan munakuwanchisñachu”, nispa.
-
¿Imanirqanmi Jesús Diospa simin contra pantasqa yachachikuykunamanta?
-
Kay textokunan chaymanta rimashallantaq:
-
Mat. 16:6, 12. Jesusmi nirqan fariseokunaq saduceokunaq yachachisqanqa levadura jina kasqanta. Chay yachachikuykunaqa ratullan ch’eqeriq, chaymi runakunaqa Diospa siminmanta pantasqata yachaqku.
-
Mat. 23:5-7, 23-33. Jesusqa sut’itan nirqan fariseokuna, kamachikuy simita yachachiqkuna iskay uya kasqankuta, pantasqata yachachisqankutapas.
-
Mar. 7:5-9. Jesusmi fariseokunatawan kamachikuy simita yachachiqkunatawan nirqan: “Qankunaqa costumbreykichisman jina ruwanaykichisraykun mana reparachikuq jinalla Diospa kamachikuyninkunata saqerparinkichis”, nispa.
-
¿Munarqanchu Jesús discipulonkuna askha religionkunata paqarichinankuta?
-
Kay textokunan chaymanta rimashallantaq:
-
Juan 15:4, 5. Jesusmi uvas sach’amanta rimaspa discipulokunata yachachirqan payman jujllachasqalla kashanankupaq, paykunapura jujllachasqa kanankupaqwan.
-
Juan 17:1, 6, 11, 20-23. Jesusmi taytanmanta mañakurqan discipulonkuna jujllachasqalla kanankupaq. Chaytan ruwarqan wañuchinankupaq juj tutallaña faltashaqtin.
-
¿Juj nisqallachu ñaupa tiemponpi cristianokuna Jehová Diosta yupaycharqanku?
-
Kay textokunan chaymanta rimashallantaq:
-
Hech. 11:20-23, 25, 26. Antioquiamanta Jerusalenmanta iñiq t’aqakunaqa juj nisqallan sumaqta Diosta servirqanku.
-
Rom. 15:25, 26; 2 Cor. 8:1-7. Apostolkunaq tiemponpi cristianokunaqa qoykukuq kasqankutan rikuchirqanku llakipi tarikuq cristianokunata yanapaspa. Chaypin rikuchirqanku juj nisqalla kasqankuta.
-
¿“Jesuspin iñini” niq llapa religionkunatachu Jehová Dios chaskin?
¿Chaskinmanchu Jehová Dios Jesuspa yachachisqanmanta apostolkunaq yachachisqanmanta karunchakuspa adoraqkunata?
Hech. 20:29, 30; 1 Tim. 4:1-3
-
Kay textokunan chaymanta rimashallantaq:
-
Mat. 13:24-30, 36-43. Jesusqa ñan willarqanña mana allin qora jina llulla cristianokuna iñiq t’aqakunapi rijurinankuta.
-
1 Juan 2:18, 19. Apóstol Juanmi kuraqña kashaspa nirqan Cristoq contranpi kaqkunaqa askhaña kashasqankuta.
-
¿Iman pasanman iñiq t’aqapi pipas pantasqata yachachiqtin, mana kasukuspa imatapas ruwaqtin?
¿Imatan ruwananku cristianokuna juj nisqalla kanankupaq?
¿Imaraykun Diosta serviqkuna mana chaqrukunanchischu pantasqa religionkunawan?
¿Imaraykun runakunaman allintapuni yachachinanchis ima yachachikuykunachus pantasqa kasqanta?
¿Imaraykun mana admirakunanchischu juj religionmanta kaqkuna Jehová Dios adorasqanchismanta qatikachawaqtinchis?
Astawan yachanaykipaq
SAPA KUTILLA TAPUKUSQANKU
¿Juñukunkuchu Testigokuna juj religionkunawan kuska Diosta adoranankupaq?
Bibliapi ima yachachikuykunawanmi chay tapuyman kutichikunman
QHAWAQ
¿Religionkuna hukllachakunantachu Dios munan?
¿Allinchu kanman imatapas saqesparaq hukllachakuy? Chay tapuyman Bibliaq kutichisqanqa admirachisunki.
BIBLIAMANTA TAPUYKUNA
¿Llapa religionkunachu Diosman apawanchis?
Kaypin sut’ita willashan iskay razonkunata chay tapuykunaman kutichinapaq.
¿IMAKUNATAN BIBLIAMANTA YACHAYMAN?
Israel llaqtan iskayman t’aqakun
Askha Israel runakunan Jehová Diosta saqepuranku.
NOQAYKUMANTA
¿Munawaqchu wasiykiman jamunaykuta?
Bibliaq yachachisqanta astawan t’aqwiriy otaq Jehová Diospa testigonkunamanta astawan yachay
