Allinta kausanapaq Bibliapi yanapaykuna libropin kashan Bibliamanta textokuna vidaykipi tukuy imapi yanapanasuykipaq. Chaymantapas kay libropin kashallantaq jujkunata kallpachanapaq yanapanapaq textokuna, chhaynapi Diospa munasqanman jina kausanankupaq. Maskhay imamantachus yachay munasqaykita, chaypin tapuykunata askha textokunatawan tarinki (qhaway “ Imaynatan kay qelqata estudiawaq?” nisqata). Chaypiqa facil-llatan tarinki kallpachanapaq, yuyaychanapaq Bibliamanta orqosqa textokunata.

Kay libropi ima temamanta yachay munasqaykimantaqa manan chaymanta rimaq llapa textokunachu kashan, aswanpas chaypi tarisqayki textokunan yanapasunki astawan chay temamanta t’aqwirinaykipaq (Prov. 2:​1-6). Chaykunamanta astawan yachayta munanki chayqa maskhallawaqtaqmi Mosoq Pacha Bibliapi chaupipi kaq columna nisqapi textokunata, chaymantapas qhawallawaqtaqmi urayninpi willakuykunatapas. Kashallantaqmi astawan t’aqwinapaq Guía de estudio para los testigos de Jehová, Índice de las publicaciones Watch Tower nisqakunapas, chaykunaq yanapasqanmi astawan juj textoq nisqanta entiendenki. Chaymantapas chayllaraq lloqsimuq qelqakunatan t’aqwillawaqtaq ima entiendesqaykipas chhaynapunichus kasqanta yachanaykipaq.

Maytan munayku kay qelqaq yanapayninwan allinta Bibliamanta yachanaykita. Kay qelqaq yanapayninwanmi allinta reparanki “Diospa siminqa kausashaq, atiyniyoq” kasqanta (Heb 4:12).