Asambleaman riqkunapaq willakuykuna
JUJ JUÑUNAKUYKUNA
BETELPI LLANK’ANAPAQ: Betelpi llank’ayta munaq iñiqmasikunapaqmi viernes tardenta juj juñunakuy aparikunqa. Chay juñunakuymanmi bautizasqa iñiqmasikuna riyta atinkuman, 35 watayoqmanta urayman edadniyoqkuna. Ima hora maypi aparikunantaqa ñaupaqtan willakunqa.
DIOSPA GOBIERNONMANTA WILLAQKUNAPAQ ESCUELA: Chay escuelaman riy munaqkunapaqmi domingo tardenta juj juñunakuy aparikunqa. Chaymanmi 23 watayoqmanta 65 watankukama Diospaq astawan llank’ayta munaq precursorkuna invitasqa kashanku chaypi kanankupaq. Ima hora, maypi aparikunantaqa ñaupaqtan willakunqa.
ASAMBLEAMAN RIQKUNAPAQ WILLAKUYKUNA
ACOMODADORKUNA: Acomodadorkunan ima necesitasqaykipipas yanapasunki. Chayrayku kasukuy carroykita maypi waqaychanaykipaq, mayninta purinaykipaq, tiyanakuna waqaychanaykipaq otaq imatapas ruwanaykipaq nisqasuykikuta.
BAUTISMO: Bautizakuqkunapaqqa asientokunatan waqaychakunqa plataformaq chimpanpi. Sábado tutamanta bautizakuqkunapaq discurso manaraq qallarishaqtinmi paykunaqa chaypiña tiyashananku; imapas cambiaqtinqa, “acomodadorkuna”, “willakuykuna” nisqamanmi ñaupaqta willakunqa. Llapallankun apananku juj toallata, bautizakunankupaq p’achatawan.
DONACIONKUNA: Askha qolqen gastakuran allin tiyanakuna kananpaq, allinta uyarinapaq parlantekunata, videota qhawanapaq equipokunata churanapaq, jujkunapaqpas. Chaykunatan ruwakun asambleata sumaqta uyarinapaq, Jehová Diosman astawan asuykunapaq ima. ¿Ima qolqewanmi chay gastokunata ruwakun? Donacionkuna churasqanchiswanmi, jinaspapas chayqa mundontinpi llank’ay aparikusqanpin yanapan. Localpiqa muyuriqnintinpin donacionta churanapaq cajakuna kashan. Umalliq t’aqan anchata agradecekun tukuy sonqowan yanapakusqaykichismanta.
PRIMEROS AUXILIOS: Chay departamentoqa yanapan QONQAYLLA onqoruqkunallatan otaq k’irikuqkunata.
OBJETOS PERDIDOS: Jujpa ima kaqnintapas tarispaqa chay departamentoman apay, otaq ima kaqniykitapas chinkachiranki chayqa chay departamentoman riy. Juj wawa chinkasqa kaqtinqa chaymanmi apana. Ichaqa chay departamentoqa manan wawakunata cuidanapaqchu. Chaymi tayta-mamakunaqa wawankuta qhawashanallanku.
TIYANAKUNA: Ama jina kaspa, tiyanakunata jap’iyta munaspaqa, qanwan kuska carropi riqkunapaq, wasiykipi tiyaqkunapaq otaq estudianteykikunapaq imalla jap’iy. Ama imatapas mana jap’isqayki tiyanakunapiqa churaychu. Anchatan agradecekuykiku chaykunapi yanapakusqaykimanta.
SERVICIO VOLUNTARIO: Imapipas asambleapi yanapakuyta munanki chayqa, chay departamentoman riy yanapakunaykipaq.
Umalliq t’aqan qhawarin kay asamblea ruwakunanpaq
