HUKNIN KAQ T’AQA
Kamasqamanta Millp’uq para unukama
¿Imaynatan rikhuriran hanaq pachapas Allpapas? ¿Imaynatan rikhuriran Intipas, Killapas, ch’askakunapas, Allpapi imaymana kaqkunapas? Biblian kaymanta cheqaqta willawanchis, Diosmi imaymanata kamaran, nispa. Chaymi kay libronchisqa qallarin Diospa kamasqanmanta Bibliapi willakuykunawan.
Yachasun Diospa ñawpaq kamasqanqa payman rikch’akuq espiritukuna kasqanta. Chaykunaqa angelkunan karan. Allpatan ichaqa runakunapaq kamaran. Chaymi Diosqa Adán, Eva sutiyoq qhari warmita kamaran, sumaq huertapitaq churaran. Manan ichaqa Diosta kasukusqakuchu, chay rayku mana wiñaypaqchu kawsaranku.
Adanta kamasqanmanta Millp’uq para unu chayamunankama 1.656 watakuna pasaran. Chay tiempopin kawsasqaku askha millay runakuna. Hanaq pachapin kasharanku Satanaspas millay angelninkunapas. Allpapin tiyaranku Caín, askha millay runakuna, kallpasapa hatunkaray runakunapas. Karanmi ichaqa Allpapi allin runakuna... Abel, Enoc, Noepas. Kay HUKNIN Kaq T’aqapin yachasun kay runakunamanta, chay tiempopi imakuna kasqanmantawan.
KAY T'AQAPIN KAYKUNA KASHAN
1 WILLAKUY
Diosmi kamayta qallarin
Kay hallp’ata Dios imayna kamasqanmanta willakuyqa fácil entiendenallapaqmi, wawakunapas entiendenkumanmi.
2 WILLAKUY
Sumaq huerta
Génesis qelqa nisqanman hina, Diosqa Edén jardinta ancha sumaqtan ruwarqan. Diosqa munanmi kay pachapas chhayna sumaq kananta.
3 WILLAKUY
Runata Ruwan
Diosmi Adantapas Evatapas kamarqan, huk sumaq jardinpitaq churaran tiyanankupaq. Paykunan ñawpaq kaq casarasqa warmi-qhari karanku.
4 WILLAKUY
Ima raykun tiyasqankumanta qarqochikuranku
Génesis qelqan willan imaynachus parai̇́so chikapusqanta.
5 WILLAKUY
Sasa kawsay qallarin
Adanwan Evawanqa paraisopi manaña kasqankuraykun ñak’arirqanku, Diosllata kasukunkuman karqan chayqa kusisqa kawsashankuman wawankuwan kuska.
6 WILLAKUY
Huknin churi allin huknintaq millay
Cainmanta Abelmantawan willakuyqa génesis libropin tarikun, chay willakuymi yachachiwanchis imayna runachus kananchista Jehová Dios munasqanta.
7 WILLAKUY
Mana manchakuq allin runa
Enocpa ruwasqanmi rikuchiwanchis allin kaqta ruway atisqanchista, qayllanchispi tiyaq runakunaña mana allinkunata ruwankuman chaypas.
8 WILLAKUY
Allpapi hatun runakuna
Génesis soqta capitulon willawanchis kay pachapi hatunkaray runakuna kawsasqankuta. Paykuna Nefilim sutiyoqmi karqanku, runakunatan abusaqku. Paykunaqa kay pachaman uraykamuq angelkunaq wawankunan karqanku.
9 WILLAKUY
Noé arcata ruwan
Noepas familianpas Diosta kasukusqankuraykun salvakurqanku , huk runakunataq mana kasukuq kasqankuraykun wañurqanku.
10 WILLAKUY
Hatun Millp’uq Para Unu
Manaraq hatun para chayamushaqtinmi runakunaqa Noemanta asikurqanku. Ichaqa sinchi para chayamuqtinmi manaña asikurqankuchu. ¿Imaynapin Noepas familianpas animalkunapas arcapi salvakurqanku? Chaymanta yachay.