ISKAY KAQ T’AQA
Millp’uq paramanta Egipto suyumanta kacharichisqa kasqankukama
Pusaq runallan millp’uq para unumanta qespichisqa karanku, tiempoq pasasqanmantaq waranqa waranqanpi miraranku. Millp’uq para unumanta 352 wata qhepata Abrahán naceran. Yachasunmi imaynatan Dios hunt’aran Abrahanman prometesqanta, churin Isaacta qospa. Isaacpa iskaynin churinkunamantataq Diosqa Jacobta akllaran.
Jacobpa churinkunaqa chunka iskayniyoqmi karan, ususinkunapas karanmi. Jacobpa chunka churinkunan cheqniranku sullk’a wayqenku Joseta, chaymi venderanku Egipto suyupi kamachi kananpaq. Tiempoq pasasqanmanmi Joseqa Egipto suyupi hatun kamachikuq karan. Hatun yarqay kaqtinmi Joseqa wayqenkunata wateqaran, millay kayninkuta saqerankuñachu icha manachu chayta yachananpaq. Chay qhepamanmi Jacobpa familian Egipto suyuman astakuranku. Chayqa sucederan Abrahanpa nacesqanmanta 290 wata qhepatan.
Israelitakunaqa 215 watan Egipto suyupi tiyaranku. Josepa wañusqan qhepamanmi paykunaqa kamachi kapuranku. Unay tiempo qhepamantaq Moisés naceran, paywanmi Diosqa israelitakunata Egipto suyumanta horqochiran. Kay ISKAY Kaq T’aqapin yachasun 857 watakunapi sucedesqanta.
KAY T'AQAPIN KAYKUNA KASHAN
12 WILLAKUY
Hatun torreta runakuna ruwanku
Diosqa manan kusisqachu kasharqan, chaymi runakunata castigarqan.
13 WILLAKUY
Abraham: Diospa amigon
¿Imaraykun Abraham sumaq llaqtanta saqerqan karpakunapi tiyananpaq?
14 WILLAKUY
Abrahanpa iñiynin wateqasqa karan
¿Imaraykun Dios Abrahamta nirqan churin Isaacta sacrificiopi haywananpaq?
16 WILLAKUY
Isaacpaq allin warmi
¿Imaraykun Rebeca allin warmi karqan? ¿Munay kasqanraykuchu, icha imaraykuchu?
17 WILLAKUY
Hukniray mellizokuna
Esautaqa taytan Isaacmi astawan munakurqan, Jacobtataq maman Rebeca astawan munakurqan.
18 WILLAKUY
Jacob Harán llaqtata rin
Jacobqa Raqueltan munakurqan, chaywanpas ñawpaqta Leawan casarakurqan, ¿imarayku?
19 WILLAKUY
Jacobpa askha wawankuna
¿Jacobpa 12 wawankunaq sutintachu chaskirqan Israelpa 12 ayllunkuna?
20 WILLAKUY
Dina sasachakuypi tarikun
Mana allin runakunawan amigontin kasqanrayku chhaynapi tarikurqan.
22 WILLAKUY
Joseta carcelpi wisq’anku
Josetan carcelman churanku allin runa kasqanrayku, manan mana kasukuq kasqanraykuchu.
24 WILLAKUY
José wayqenkunata wateqayman churan
¿Imaynatan José yachanman wawqenkuna cambiarqankuchus icha manachus chayta?
26 WILLAKUY
Jobqa Diospaq hunt’aq runan
Jobmi kaqninkunata chinkachirqan, wawankuna wañupurqan, paytaq onqosqa tarikurqan. ¿Dioschu Jobta castigasharqan?
27 WILLAKUY
Egipto suyupi millay kamachiq
¿Imaraykun kamachirqan llapa Israelmanta qhari wawachakunata wañuchinankupaq?
29 WILLAKUY
Ima rayku Moisés ayqekuran
Moisesqa 40 watanpi kashaspan piensarqan Israelitakunata salvanapaq preparasqa kashasqanta, ichaqa manaraqmi preparasqachu kasharqan.
30 WILLAKUY
Rawrashaq ch’aphra
Jehová Diosmi Moisesta kamachin israelitakunata Egiptomanta kacharichinanpaq.
32 WILLAKUY
Chunka muchuchiykuna
Diosmi chunka muchuchiykunata Egiptoman apamuran, chaytaqa ruwarqan faraón mana kasukuq kasqanraykun.
33 WILLAKUY
Puka lamar-qochata chinpaspa
Moisesmi Diospa atiyninwan Puka lamar-qochata iskayman t’aqan. Israelitakunan ch’aki pampanta purinku.
