TAWA KAQ T’AQA
Israelpi ñawpaq kamachiqmanta Babiloniapi preso kasqankukama
Saulmi Israelpi ñawpaq kamachiq karan. Jehová Diosmi ichaqa manaña kamachiq kananta munaranchu, chaymi Davidta akllaran paypa rantinta kamachinanpaq. Davidmantan imaymanata yachasun. Wayna kashaspan maqanakuran hatun runa Goliatwan. Qhepamantaq millay kamachiq Saulmanta ayqekuran. Huk kutinmi sumaq warmi Abigaíl hark’aran huchallikunanmanta.
Davidpa churin Salomonmantapas askhatan yachasun, paymi taytan Davidpa rantinta Israelpi kamachiran. Israelpi ñawpaq kamachiqkunaqa 40 watatan sapankapas kamachiranku. Salomonpa wañusqan qhepamanmi Israel suyuqa iskayman t’aqakuran, hukninmi wichay ladopi huknintaq uray ladopi.
Wichay ladopi 10 ayllu Israelmi takyaran 257 watakuna, chaymantan asiriokuna thunichiran. 133 watakuna qhepatan uray ladopi Judá ayllutapas atipallarankutaq. Chay kutipin israelitakunaqa preso hina Babiloniaman apasqa karanku. Kay TAWA Kaq T’aqan willan 510 watakunapi sucedesqanmanta, chay tiempopin imaymanakuna sucederan.
KAY T'AQAPIN KAYKUNA KASHAN
56 WILLAKUY
Saúl Israelpi ñawpaq kamachiq
Qallariypiqa Diosmi Saulta churaran rey kananpaq, qhepamantaq ichaqa rey kasqanmanta horqopuran. ¿Imatan yachasunman Saulmanta?
58 WILLAKUY
Davidwan Goliatwan
Davidqa atiparqanmi Goliat runata, ichaqa manan atiynillanwanchu. ¿Pin yanaparqan?
59 WILLAKUY
Ima rayku David ayqekun
Qallariypin Saulqa Davidwan kusisqa kasharqan, ichaqa qhepaman cheqnikuyta qallarirqan, ¿imarayku?
60 WILLAKUY
Abigailwan Davidwan
Abigailmi qosanmanta nirqan ‘mana yuyayniyoqmi’ nispa. Qosanqa pisi tiempollamantan wañupurqan.
61 WILLAKUY
David kamachin
Davidqa rikuchinmi rey kananpaq hina kasqanta, payqa allin kaqtan ruwan mana allintataq cheqnikun.
62 WILLAKUY
Davidpa wasinpi sasachakuykuna
Hukpi David pantasqanrayku paypaqpas familianpaqpas problemakunata rikhurichimun.
64 WILLAKUY
Salomón yupaychana wasita ruwan
Yachayniyoq runa kashaspapas, Salomonqa sonqonta suwachikurqan mana allinkunata ruwananpaq.
65 WILLAKUY
Kamachikuy iskaypi t’aqakun
Jeroboan kamachikuyta qallariqtinmi runakuna ratulla Diospa kamachisqanta p’akiyta qallarirqanku.
66 WILLAKUY
Jezabel millay kamachikuq warmi
Chay millay reynaqa imatapas ruwan munasqanta tarinanpaq.
67 WILLAKUY
Josafat Jehová Diosmanta hap’ipakun
¿Imaraykun huk ejército maqanakuq rin ñawpaqenpi takiqkunata churaspa?
68 WILLAKUY
Iskay wawakuna kawsarin
¿Atinmanchu huk wañusqa runa kawsarimpuyta? Ari, ñawpaq tiempopin sucederqanña.
69 WILLAKUY
Sipascha atiyniyoq runata yanapan
Chay sipaschaqa kallpata hap’ispa rimarqan, chay ruwasqanraykun huk milagro pasarqan.
71 WILLAKUY
Dios paraisota prometen
Qallariypiqa huch’uyllan paraiso karqan, qhepamanmi ichaqa llapa mundontinpi kanqa.
73 WILLAKUY
Israelpi qhepa kaq allin kamachiq
Josiasqa waynallaraq kashaspapas mana manchakuqa kasqanta rikuchirqan.
74 WILLAKUY
Mana manchakuq runa
Jeremiasqa piensarqanmi profeta kananpaq waynallaraq kasqanta, Diosmi ichaqa yacharqan pay allin kasqanta.
75 WILLAKUY
Babiloniapi tawa waynachakuna
Familiankumanta karupiña kasharqanku chaypas, allintan kawsarqanku.
76 WILLAKUY
Jerusalenta thunichinku
¿Imaraykun Dios qhawallaran babilonio runakuna Jerusalenta thuninankuta?
