PISQA KAQ T’AQA
Babiloniapi preso kasqankumanta Jerusalén perqa hatarichisqankukama
Israelitakuna Babiloniapi preso kashaqtinkun, askha kutita iñiyninku probasqa karan. Sadracpas, Mesacpas, Abegnegopas rawrashaq hornoman wikch’uykusqa karanku, Diosmi ichaqa kawsashaqta chaymanta horqoran. Qhepaman, medokuna persakunawan Babiloniata atipaqtin, Danielta leonkunaq kasqan t’oqoman wikch’uykuranku, paytapas Diosqa qespichiranmi leonkunaq siminta wisq’aspa.
Persia suyupi kamachikuq Ciron israelitakunata kachariran Babiloniamanta. 70 wata qhepatan paykunaqa llaqtankuman kutiranku Babiloniapi preso kasqankumanta. Jerusalenman kutispaqa Jehová Dios yupaychana wasitan sayarichiranku. Chayta yachaspan awqankunaqa llank’asqankuta sayachisqaku. Chay raykun Babiloniamanta kutimusqanku 22 wata qhepataña Jerusalenpi yupaychana wasita ruwayta tukuranku.
Chaymantan yachasun yupaychana wasita sumaqyachinanpaq Esdras Jerusalenman kutisqanta. Chayqa sucederan yupaychana wasi tukusqanku 47 wata qhepatañan. Esdraspa viajasqan 13 wata qhepatataq, Nehemías yanaparan Jerusalenpi urmasqa perqakuna sayarichiyta. PISQA Kaq T’aqa willan 152 watakunapi sucedesqanta.
KAY T'AQAPIN KAYKUNA KASHAN
77 WILLAKUY
Manan imapas k’umuchiranchu
¿Salvarqanchu Dios chay kinsa waynakunata ruphashaq hornomanta?
80 WILLAKUY
Babiloniamanta Israel lloqsimun
Rey Ciro Babiloniata atipaspa huk profeciata hunt’arqan, ichaqa huk profeciatawan hunt’allarqantaq.
81 WILLAKUY
Diospa yanapayninpi hap’ipakunku
Israelitakunan Diosta ñawpaqta kasunku, manan runakunatachu. ¿Yanaparqanchu Dios paykunata?
82 WILLAKUY
Mardoqueowan Esterwan
Vasti reynaqa munaymi karqan, ichaqa rey Asueroqa paypa rantinpi Esterta reynapaq churarqan. ¿Imarayku?
83 WILLAKUY
Jerusalenpa perqankuna
Jerusalenpa perqankunata hatarichishaqtinkun, llak’aqkunaqa tutapas p’unchaypas espadantiyoq lanzayoq karqanku.