QANCHIS KAQ T’AQA
Jesuspa kawsarisqanmanta Pabloq preso kasqankama
Kinsa p’unchay wañusqanmantan Jesusqa kawsarichisqa karan. Chay p’unchaymi pisqa kutita qatikuqninkunaman rikhuriran. 40 p’unchaykaman rikhuriran. Wakin qatikuqkuna qhawashaqtinmi hanaq pachaman ripuran. Chunka p’unchay qhepatan Diosqa santo espirituta qomuran Jerusalenpi suyaq qatikuqkunaman.
Chay qhepamanmi Diospa awqankuna apostolkunata carcelpi wisq’aranku, ichaqa huk angelmi paykunata kachariran. Rumiwan ch’aqespan awqakuna Estebanta wañuchiranku. Jesusmi ichaqa kay runakunamanta hukninta akllaran Diospa kamachisqanta ruwananpaq, paymi karan apóstol Pablo. Jesuspa wañusqanmanta kinsa wata kuskan qhepata hinan, Diosqa apóstol Pedrota kamachiran Corneliota familiantapas predicananpaq, payqa manan judío runachu karan.
Chunka kinsayoq wata qhepata hinan Pabloqa predicananpaq viajayta qallariran. Iskay kaq viajasqanpi Timoteo riysiran. Diospa kamachinta ruwaspan Pablopas viajaq masinkunapas sumaq experienciakunata tariranku. Chaymantan Pabloqa Romapi preso karan. Iskay watamantan kachariranku, qhepamantaq carcelpi wisq’allarankutaq, chay kutipiqa wañuchiranku. QANCHIS Kaq T’aqaqa 32 watapi sucedesqantan willan.
KAY T'AQAPIN KAYKUNA KASHAN
102 WILLAKUY
Jesusqa kawsashanmi
Angelkunan Jesuspa tumbanmanta rumita tanqanku, soldadokunan manan ima ruwaytapas atinkuchu Jsuspa tumbanta ch’usaqta tarispa.
103 WILLAKUY
Wisq’asqa cuarto ukhupi rikhurin
¿Imaraykun Jesuspa qatikuqninkuna mana Jesusta allintachu reqsinku kawsarimpusqan qhepaman?
104 WILLAKUY
Jesús hanaq pachaman kutipun
Manaraq hanaq pachaman ripushaqtin, Jesusmi qatikuqninkunaman huk ruwayta encargarqan.
105 WILLAKUY
Jerusalenpi suyanku
¿Imaraykun Jesús santo espirituta qorqan qatikuqninkunaman Pentecostés fiestapi?
106 WILLAKUY
Carcelmanta kacharichisqa
Religionpi umalliqkunan phiñakuspa apostolkunata carcelman winanku predicasqankurayku, ichaqa Diosmi mana chaytachu munaran.
107 WILLAKUY
Estebanta rumiwan ch’aqenku
Estebanta rumiwan ch’aqeshaqtinkun, payqa Diosmanta mañakun.
108 WILLAKUY
Damasco llaqtata rishaspa
Huk k’anchaymi Saulota ñawsayachipuran, hinaspapas hanaq pachamanta huk kunkata uyariran, chaykuna pasasqanwanmi Sauloqa cambiapuran.
109 WILLAKUY
Pedro Corneliota visitan
¿Imaynatan Dios qhawarin runakunata? ¿Hukkunata allinpaqchu qhawarin hukkunatataq mana allinpaq?
110 WILLAKUY
Timoteo: Pabloq yanapaqnin
Timoteon wasinta saqespa Pablowan kuska askha llaqtakunapi predicarqan.
111 WILLAKUY
Waynacha puñurusqa
Euticoqa Pabloq ñawpaq kaq discursonpin puñurapusqa, iskay kaq discursonpin ichaqa manan puñurapusqañachu. ¿Imakunan pasarqan ñawpaq kaq discursonmanta iskay kaq discursonkama?
112 WILLAKUY
Islapi qespichisqa
Manaña ima suyakuypas kananpaq hina kashaqtinmi, Dios huk willakuyta Pabloman apachirqan kallpata qonanpaq.
