Bibliaqa manan ñawpa tiempopi sucedesqanmanta cheqaq willakuykunallatachu willan, hamuq tiempopi ima sucedenantapas willanmi. Runakunaqa manan atinkuchu hamuq tiempomanta willayta. Chay raykun yachanchis Bibliaqa Diosmanta hamusqanta. ¿Ima ninmi Biblia hamuq tiempomanta?

Diospa hatun maqanakuyninmantan willawanchis. Kay maqanakuypin Diosqa Allpamanta chinkachinqa tukuy mana allin ruwaykunata, millay runakunatapas, Diospa kamachinkunatan ichaqa qespichinqa. Diospa churasqan kamachikuq Jesucriston apamunqa Diospa kamachinkunapaq kusikuyta thak kawsaytawan, mana hayk’aqpas onqonqakuchu nitaq wañunqakuchu.

Kusikunchismi sumaq paraisoman Allpata Diospa tukuchinanmantaqa. Ichaqa, ¿imatan ruwananchis chay paraisopi tiyanapaq? Qhepa kaq willakuypin yachasun imatan ruwananchis Diospa sumaqkuna qosqanta chaskinapaq. Chay rayku leey PUSAQ Kaq T’aqata, chaypin yachanki hamuq tiempopaq Bibliaq nisqanta.