KAY libroqa cheqaq willakuykuna willaqmi. Teqsimuyuntinpi aswan sumaq libromanta horqosqan kashan, chay libroqa Biblian. Willasunkin Diospa kamasqanmantapacha kay p’unchayninchiskama. Willasunkitaqmi hamuq tiempopaq Diospa prometesqanmanta.

Kay libropin yachanki Bibliaq willasqanta. Willasunkin Bibliapi runakunamanta, imakuna ruwasqankumantapas. Rikuchinmi runakunaman Diospa sumaq suyakuy qosqanta Allpanchis paraíso kaqtin wiñaypaq kawsanankuta.

116 willakuykunan kay libropi kan. Pusaq t’aqakunapin t’aqasqa kashan. Sapanka t’aqaq qallariyninpin pisillapi willashan chay t’aqapi imakuna kasqanta. Imapas sucedesqanman hinan qayllallamanta sapanka willakuy willan. Chaymi yanapasunki sapanka willakuy hayk’aq sucedesqanta yachanaykipaq.

Kay willakuykunaqa entiendenapaq simikunallapin willakun. Askha erqechakunan sapallankumanta leenqaku. Tayta-mamakunaqa reparanqakun askha kuti leepunankuta erqechankuna munasqanta. Wayna-sipaskunapaq, kuraqkunapaqpas allin willaykunan kan kay libropi.

Sapanka willakuy tukusqanpin textokunata tarinki. Kallpachaykikun chay textokunata Bibliaykipi leenaykipaq. Sapanka willakuymanta leeyta tukuspa maskhay chaypaq tapuykunata 116 willakuypa qhepanpi, yuyariytaq kutichiykunata.