Satanasqa munan layqakuykuna ruwananchista. Askha runakunan wañuqkunapaq misata ruwachinku, espiritukunamanpas pagokunata ruwanku mana imanananpaq. Chayta ruwanku mana allin espiritukunata manchakuspa. Chaymi apanku sortijakunata, wayrurukunata, hukkunatapas mana allinkunamanta waqaychakunankupaq. Layqakunaq ruwasqan “hanpita” ukyanku, chaykunawan qhaqochikunku qhaliyanankupaq. Wakinqa imaymanata wasinkupi pakanku, p’anpanku mana allinkunamanta waqaychakunankupaq. Wakintaq layqakunawan “hanpichikunku” kaykunapi allinlla kanankupaq: llank’anapi, escuelapi, warmi maskhaypi qhari maskhaypipas.

Satanasmanta waqaychakunapaqqa Jehová Diospa amigon kananchis. Jehová Diospas angelninkunapas aswan atiyniyoqmi kanku Satanasmanta supayninkunamantapas (Santiago 2:19; Apocalipsis 12:9). Jehová Diosqa tukuy sonqo serviq amigonkuna rayku atiyninta rikuchiyta munan (2 Crónicas 16:9).

Diospa Simin nin: “Aman imatapas [...] layqachinkichischu, nispa”. Jehová Diosqa cheqninmi layqakuykunata, chay ruwaykunaqa Satanaspa makinman urmachiwasunman (Levítico 19:26).