9 T’AQA
¿Pikunataq Diospa amigonkunari?
Jesucristoqa Jehová Diospa Churinmi, munasqa amigontaq kanpas. Manaraq kay Allpaman hamushaspa Jesusqa hanaq pachapi atiyniyoq ángel karan (Juan 17:5). Kay Allpa pachaman hamuspataq Diosmanta cheqaqta yachachiran (Juan 18:37). Hinaspapas, kawsayninta qoran kasukuq runakunata huchamanta, wañuymanta qespichinanpaq (Romanos 6:23). Kunantaq Jesusqa Reyña kashan Diospa Reinonpi, chay Reinon kay Allpata paraisoman tukuchinqa (Apocalipsis 19:16).
Angelkunapas Diospa amigonmi kanku. Angelkunaqa manan kay Allpapi kawsaq runachu karanku. Paykunaqa hanaq pachapi kamasqa karanku manaraq Dios kay Allpata kamashaqtin (Job 38:4-7). Angelkunaqa mana yupay atiymi kanku (Daniel 7:10). Paykunaqa Diospa amigon kaspa, munanku runakuna Jehová Diosta allintapuni reqsinankuta (Apocalipsis 14:6, 7).
Allpapipas kanmi Diospa amigonkunaqa; paykunatan Dios sutichan “testigoykuna” nispa. Imaynan huk testigopas juezpa ñawpaqenpi willan pimanta imamanta yachasqanta, chhaynallataqmi Jehová Diospa testigonkunapas runakunaman willanku Diospa munayninmanta (Isaías 43:10). Jehová Diospa testigonkunaqa, angelkuna hina yanapayta munasunki Diosta allintapuni reqsinaykipaq. Diospa amigon kanaykitan munanku.