KINSA T’AQA
Diospa gobiernonpa kamachikuyninkuna: Diospa chanin-kayninta maskhashanchis
HUK iñiqmasinchismi repararqan paytapas familiantapas huk wasimasin qaynakunamantaña qhawashasqanta. Huk kutinmi napaykusqan qhepaman chay wasimasin iñiqmasinchista tapurqan: “Qankunaqa Jehová Diospa testigonkunan kankichis, ¿riki? ¿Imaraykun hukniray kankichis?”, nispa. Iñiqmasinchistaq kutichirqan: “¿Imaraykun chayta ninki?”, nispa. Hinan chay runa nirqan: “Qankunaqa manan huk runakuna hinachu kankichis, manan huk religionkuna hinachu politicapipas guerrakunapipas chaqrukunkichis nitaqmi fiestakunatapas festejankichischu. Hinaspapas manan cigarrota fumankichischu, familiaykipas allintan kawsan. ¿Imaraykun hukniray kankichis?”, nispa.
¿Imaraykun hukniray kanchis? Diospa gobiernonpa kamachikuyninkunata kasukusqanchisraykun. Reyninchis Jesusqa ch’uyanchawashallanchismi payta qatikunanchispaq chaymi mana kay pachapi runakuna hinachu kanchis. ¿Imakunapin ch’uyanchawanchis? Diosta serviyninchispi, kawsayninchispi, Diospa llaqtan ukhupi llank’ayninchispi ima. Chaytaqa ruwarqan Dios hatunchasqa kananpaqmi.
KAY T'AQAPIN KAYKUNA KASHAN
10 CAPÍTULO
Rey Jesucriston Diospa llaqtanta espiritualpi ch’uyanchan
¿Imapin kaqlla navidadta festejay cruzta yupaychaywan?
11 CAPÍTULO
Kawsayninchispi aswan ch’uyanchasqa kanchis: Diosqa ch’uyan ñoqanchispas ch’uyan kananchis
Profeta Ezequielmi huk rikhuriypi rikurqan hatun punkukunata guardiakunaq cuartonkunatapas, chaykuna rikusqanmi Diospa llaqtanpi hunt’akurqan 1914 watamantapacha.
12 CAPÍTULO
Allin preparasqa kanku ‘thak-kayta qoq Diosta’ servinankupaq
Bibliaqa ch’arwi kaqtaqa manan imapas ordenpi kaqwanchu tupanachirqan, aswanpas thak-kaywanmi tupanachirqan. ¿Imarayku? ¿Imaynatan chay tapuypa kutichiynin kay tiempopi cristianokunata yanapanman?